Bibɔjirb 3:8 - Uwumbɔr aagbaŋ

⁸ Uwumbɔr aaŋuul nan fii Israel yaab pu, le u cha Mesopotamia aabɔr, u bi nan yin u ke Kusann Risatayim na, nyaŋ bi, le ki joo bi, ki ti saa ŋibin ŋiniin.

Bibɔjirb 3:8 ပူးပေါင်းရင်းမြစ်များ

Mpiin 24:10

Unaagbiijapol u nan joo Abraham aawan mɔmɔk na nan nyan waaninkpel Abraham aalaakumii kipiik, ni tiwan pam, le ki buen Abraham aanaal Nahor aah bi kitiŋ ki na ni, ki bi Mesopotamia aatiŋ aaŋangan wɔb la.

Ilahn 106:41

Le u siir cha bi, ki di bi ŋa binib bi kaa nyi u na aapɔɔn ni, le baadim gur joo bi.

Ilahn 129:1

Israel aatimbol, bui timi saah nan laa diin aan saadim muk si pu na aabɔr:

Ilahn 44:12

Aa di saanib kooh kidaak ki kaa pɔɔ na kaa kan tinyoor tibaa.

Ilahn 6:1

Uwumbɔr, taa gee m pu liŋuul ki kae mi. Taa daa ntafal saaŋuul ponn ni.

Ilahn 85:3

Aa di cha kaa ki gee bi pu liŋuul, ki chuu saaŋuusakpeln na.

Nnyam 22:24

ki ga gee liŋuul ki ku nimi butɔb ni, le nimi aapuutiib ni nimi aabim mu ga ŋa bikpopiib ni nkpobim.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Habakuk 3:7

M nan kan ke ijawaan nan chuu Kusann aanib, le Midiann aatiŋ aanib aawon gbaa.

Rom Yaab 7:14

Ti bee ke Uwumbɔr aakaal mɔk timi Uwumbɔr aah ban pu na. M mu aa ŋani kina; ba pu? m ye titunwanbir aanaagbiija la.

Ikaal 29:20

Le Uwumbɔr aan di cha pinn udaan ngbaan. Waaŋuul ga fii u pu ke mmiigaal na, le tibɔbir ti mɔmɔk bi kigbaŋ kimina ni na ga lir udaan pu, le Uwumbɔr ga kuln u doo.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

Bibɔjirb 2:14

Kina pu le Uwumbɔr aaŋuul nan fii Israel yaab pu sakpen, le u cha bijab gur looni bi ki su baawan. U nan cha bidim bi mɔmɔk mann goln bi ki ti ton na nyaŋ bi, le Israel yaab aa nan ki ŋmaa kiir bibaa.

Bibɔjirb 2:20

Le Uwumbɔr aaŋuul ti fii Israel yaab pu sakpen, le u bui ke, “Litimbol limina bii tipuur ti m nan bui biyaajatiib ke bi li joo ti na. Baah kaa kii maamɔb pu na,

Bibɔjirb 3:10

Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

Bibɔjirb 3:7

Israel aanib suln Bidindaan Uwumbɔr bɔr; bi nan tun u titunwanbir le ki dooni liwaal Baal, ni liwaal Asera.

Bibɔjirb 3:9

Le Israel yaab nan wii yin Uwumbɔr, le u tun ni uja ubaa u nan gaa bi lii. Uja ngbaan le nan ye Kaleb aanaal Kenas aajapɔɔn Otniel.

Bibɔjirb 4:9

Le u gar ke, “Kina kan, ni ŋan, m ga dii si buen, aa mu aan tee kan kipak kibaa linyaŋ ngbaan pu, ba pu? Uwumbɔr ga di Sisera ŋa upii aaŋaal ni la.” Le Debora ni Barak di siir tɔŋ Kedes.

1 Samuel 12:9

Le binib ngbaan suln Bidindaan Uwumbɔr pu, le u mu cha Filistia yaab, ni Moab yaab aabɔr, ni Sisera, u ye Hasor aatiŋ aajab aaninkpel na, ni niyaajatiib jan, le bi nyaŋ niyaajatiib.