Bibɔjirb 3:7 - Uwumbɔr aagbaŋ

⁷ Israel aanib suln Bidindaan Uwumbɔr bɔr; bi nan tun u titunwanbir le ki dooni liwaal Baal, ni liwaal Asera.

Bibɔjirb 3:7 ပူးပေါင်းရင်းမြစ်များ

1 Bibɔrb 16:33

U nan naan liwaapii Asera aanaŋ mu. U nan tun Israel yaab Aadindaan Uwumbɔr titunwanbir, ki jer Israel yaab aabɔrb bi mɔmɔk puen u jin nnaan na, le ki fiin waaŋuul.

1 Bibɔrb 18:19

Tɔ, kuun Israel aanib mɔmɔk aan bi nan kan mi Kamel Aajool paab. Cha liwaal Baal aawaadam ikui inaa ni piiŋmu na, ni liwaapii Asera mu aawaadam ikui inaa bi Upiibɔr Jesebel kpiini bi na li dii ni.”

2 Bibɔrb 23:14

Ubɔr Josia nan gbaa wiil ŋiwaabimbin fɔfɔŋ na, ki gbaa wɔi liwaapii Asera aanaŋ, le ki di binib aakpab biin ŋaah nan si nin chee na.

2 Bibɔrb 23:6

U nan nyan liwaapii Asera aanaŋ Uwumbɔr Aadichal ni, le ki di buen Kidronn aafataŋ ni, le ki ti di li see mmii ni, le ki san laafatan ti kpaln kitangbaak, le ki di kitangbaak ngbaan yaa yaa binib mɔmɔk aacheek ni.

2 Bibɔrb Aabɔr 15:16

Ubɔr Asa nan nyan uyaa Maaka ubɔrpii aanaan ni. Uyaa aah nan ŋa pu na le ye ke u ŋa liwaapii Asera aanaŋ ke li kpa timar. Asa nan chɔi chɔi liwaal ngbaan, ki see li mmii, Kidronn Aafataŋ ni.

2 Bibɔrb Aabɔr 24:18

Kina pu na, binib ngbaan aa nan ki dooni biyaajatiib Aadindaan Uwumbɔr, Waadichal ni. Bi nan piin ki dooni ŋiwaa, ni liwaapii Asera aanaŋ ti bi maa maa siin na la. Baabɔr aah nan bii titunwanbir tee pu na le nan cha Uwumbɔr aaŋuul fii Juda ni Jerusalem aatim pu.

2 Bibɔrb Aabɔr 33:19

Ubɔr ngbaan aameel, ni Uwumbɔr aah nan kii li pu na, ni waah nan tun titunwanbir ti ki nin kpeln waabimbin na, ni tibɔbir ti u nan ŋa na, ni waah nan maa tiwaadir ti na, ni liwaapii Asera aanaŋ ti u nan naan na, ni ŋiwaa ŋi u nan dooni na, mɔmɔk mu bi Uwumbɔr aabɔnabtiib aagbaŋ ni.

2 Bibɔrb Aabɔr 33:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ki dooni iŋmabi.

2 Bibɔrb Aabɔr 34:3

Josia aah nan jin nnaan ki ti saa ŋibin ŋiniin, aan ki laa beenin ye unachipɔnbo na, le u piin ki dooni uyaaja Ubɔr David Aawumbɔr. Ki nyan n‑yoonn ngbaan ki ti saa ŋibin ŋinaa aapuwɔb, le u piin ki ber tiwaadir, ni liwaapii Asera aanaŋ, ni ŋiwaa ŋi mɔmɔk gur na.

2 Bibɔrb Aabɔr 34:7

Ŋŋangan wɔb aanaan aapepel mɔmɔk ni u nan gbaa wɔi ŋiwaa aatork aabimbin, ni Asera aanaŋ, le ki nan ŋiwaa ŋi ti kpaln ntayon ki gbaa wiil nnyɔknii aabimbin mɔmɔk le ki nin gir kun Jerusalem aatiŋ ni.

Ilahn 106:35

bi tee labr, le bi ni bima yoor tɔb aabim, le ki gaa binib ngbaan aabimbin,

Ilahn 106:36

le ki dooni ŋiwaa, le nimina kuln bi.

Ilahn 106:7

Tiyaajatiib aah nan bi Ijipt aatiŋ ni na, baa nan bee Uwumbɔr aatukpaan aatataa; bi nan suln waah mɔk bi waageehm kaa ti ki nyi mumɔk pu na, le ki yii waamɔb Limɔɔkal Aanyusakpem na chee.

Nnyam 34:13

Ni gbaa wii baawaa aatork aabimbin, ni ŋitakpal ŋi bi dooni na, ki bii baawaapii li bi yin li ke Asera na, ni laawan mɔmɔk.

Jeremia 23:27

Bi dak ke tidaŋ ti bi joo tuk maanib na ga cha maanib suln mbɔr, ke bitetiib aah nan suln mbɔr ki fenn toŋ liwaal Baal wɔb pu na la.

Ikaal 16:21

“Ni yaa ŋa nimi aatork aabimbiln kan, ni taa di idɔ ŋa lipiiwaal Asera ki di siin gbaŋ li,

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Ikaal 8:11

“Ni li nyi ki taa suln Nidindaan Uwumbɔr bɔr, ni taa yii waakaal imɔk m di tuk nimi din wee na.

Ikaal 8:14

ni li nyi ki taa li kpa kigaak, aan ki suln Nidindaan Uwumbɔr u nan nyan ni nimi Ijipt aatiŋ ni, nin chee ni nan ye binaagbiib na bɔr.

Ikaal 8:18

Ni teer ke Nidindaan Uwumbɔr le ŋa nimi biwankpadam; waah nan puu tipuur ti tii niyaajatiib na, le u beenin joo ti, ki ŋa kina.

Bibɔjirb 3:12

Israel aanib nan ki tun Uwumbɔr titunwanbir. Kina pu le Uwumbɔr nan cha Moab aatiŋ aabɔr Eglonn pɔɔk jer Israel aanib.

Bibɔjirb 3:8

Uwumbɔr aaŋuul nan fii Israel yaab pu, le u cha Mesopotamia aabɔr, u bi nan yin u ke Kusann Risatayim na, nyaŋ bi, le ki joo bi, ki ti saa ŋibin ŋiniin.

Bibɔjirb 6:25

Kinyeek ngbaan le Uwumbɔr bui Gideonn ke, “Chuu aate aanaaja, ni unaaja uken u ye ŋibin ŋilole aanaaja na, ki ber aate aah maa kitork aabimbiln tii liwaal Baal na, ki gaa geei liwaapii Asera aanaŋ ki si gbɔk li na.

Bibɔjirb 8:33

Gideonn aah kpo na, Israel aanib nan ki piin ki nya Uwumbɔr aapuwɔb ki dooni Baal aawaa. Bi nan di Baal Berif le ŋa baawaal,

Bibɔjirb 8:34

kaa ki dooni Bidindaan Uwumbɔr u gaa bi baadim bi mann goln bi na chee lii na.

1 Samuel 12:10

Le bi wii ki yin Uwumbɔr ke u ter bi, ki bui ke, ‘Uwumbɔr, ti tun titunwanbir; ti fenn tipuwɔb tii si, ki dooni ŋiwaa ŋi bi yin ŋi ke Baal ni Astaate na. Gaa timi, timi aadim chee lii, aan ti li dooni si.’

1 Samuel 12:9

Le binib ngbaan suln Bidindaan Uwumbɔr pu, le u mu cha Filistia yaab, ni Moab yaab aabɔr, ni Sisera, u ye Hasor aatiŋ aajab aaninkpel na, ni niyaajatiib jan, le bi nyaŋ niyaajatiib.