Bibɔjirb 3:31 - Uwumbɔr aagbaŋ

³¹ Usaloln u nan nab Ehud aatuln pu na le nan ye Anaf aajapɔɔn Samgar. U mu nan gaa Israel yaab lii. U nan di lidabil li aamɔb chɔɔ na, le ki ku Filistia aajab ikui iloob.

Bibɔjirb 3:31 ပူးပေါင်းရင်းမြစ်များ

1 Korenti 1:17

Ba pu? Kristo aa tun ni mi ke m nan muin binib nnyun ni. U tun ni mi ke m nan tuk bi waabɔnyaan ngbaan la. Naa ye ke m di binib aalan le tuk bi. M yaa ba ŋa kina kan, ni ba ga cha Kristo aah kpo ndɔpuinkoo pu na ŋa yɔli.

Bibɔjirb 10:11

Uwumbɔr aah nan tii bi ngarm mu na sɔ: “Ijipt yaab, ni Amor yaab, ni Amonn yaab, ni Filistia yaab,

Bibɔjirb 10:17

N‑yoonn ngbaan le Amonn yaab gaar ke bi buen butɔb, ki ti kuun bi Gilead aatiŋ pu, le Israel aajab mu kuun tɔb ki ti kal Mispa aatiŋ ki bi Gilead aatiŋ ni na ni.

Bibɔjirb 10:7

Kina pu na, Uwumbɔr aaŋuul nan fii Israel yaab pu, le u cha Filistia yaab ni Amonn yaab nyaŋ bi.

Bibɔjirb 15:15

U nan kan ubon u laa kpo na aamɔkpaween dɔ. U nan boon ki pii mu, ki di mu ku bijab lichur.

Bibɔjirb 2:16

Le Uwumbɔr tii Israel yaab bisalolm bi ga gaa bi binib bi looni bi na chee lii na.

Bibɔjirb 3:30

Israel yaab nan nyaŋ Moab yaab liyaadaal ngbaan, le nsuudoon nan ŋa kitiŋ ngbaan pu, ki ti saa ŋibin imonko inaa.

Bibɔjirb 4:1

Ehud aah nan kpo na, le Israel aanib ki tun Uwumbɔr titunwanbir.

Bibɔjirb 5:6

Anaf aajapɔɔn Samgar ni Jael aayoonn na, bisachum ni baalaakumii tiib aa nan ki jer nima, bisachum nan gur diir nsanbim la.

Bibɔjirb 5:8

Israel yaab nan ban ŋiwaa la, nima pu le butɔb dan kitiŋ ngbaan pu. Israel aajab ŋichur imonko ilee ngbaan ni, ulau nan joo kijaak aapeln, bee kikpaatuŋ?

1 Samuel 12:9

Le binib ngbaan suln Bidindaan Uwumbɔr pu, le u mu cha Filistia yaab, ni Moab yaab aabɔr, ni Sisera, u ye Hasor aatiŋ aajab aaninkpel na, ni niyaajatiib jan, le bi nyaŋ niyaajatiib.

1 Samuel 17:47

le binib bi mɔmɔk bi do na kan ke Uwumbɔr aa ban kijaak aajum, bee tikpaatunn, ke u di gaa waanib lii. U nyaŋni butɔb ni, le ki ga di ni mɔmɔk ŋa timi aapɔɔn ni.”

1 Samuel 17:50

Kina pu na, David aa nan di kijaak aajuk le nyaŋ ki ku Goliaf. U nan di lifulaataln ni litakpal le ku u.

1 Samuel 4:1

N‑yoonn ngbaan le Filistia yaab kuun ke bi tak Israel yaab, le Israel yaab mu gor ki kii bi. Israel yaab nan ti tiŋ kal Ebeneser ni la, le Filistia yaab mu tiŋ kal Afek ni.