Bibɔjirb 3:3 - Uwumbɔr aagbaŋ

³ Filistia aatim muŋmu, ni Kanaann yaab mɔmɔk, ni Saidonn yaab, ni Hif yaab bi nan koo Lebanonn Aajoo ni, ki nyan Baal Hemonn Aajool chee ki ti saa Hamaf aasan chee na, gaar kitiŋ ngbaan pu.

Bibɔjirb 3:3 ပူးပေါင်းရင်းမြစ်များ

Mpiin 49:13

Sin Sebulunn, aa ga li bi nnyusakpem chee la. Le iŋɔi i bi nnyusakpem ni na ga li gee i dan aa chee ki nan peŋ. Le saanaan mɔk ga pii Saidonn aatiŋ ni.

2 Samuel 24:7

Bi nan nyan nima, le ki buen liwipuul aaŋangii wɔb, ki ti fuu Taya aatiŋ ki bi maa ŋigon gob ki na ni, ki nyan nima, ki buen Hif ni Kanaann yaab aatim mɔmɔk ni, le ki di Beerseba, ni bi Juda aawipuul aaŋangii wɔb na, gbiln puwɔb.

1 Bibɔrb 8:65

Uwumbɔr Aadichal chee nima, le Solomonn ni binib ngbaan mɔmɔk nan jin Tikakar Aajim ki ti saa iwiin ilole. Kinipaak nan nyan ni dandar, ki yoor nya Hamaf aasan mu bi ŋŋangan wɔb na, ni Ijipt aatinaanmɔk, ŋŋangii wɔb.

1 Bibɔrb 9:20

Solomonn nan chuu Kanaann aanib bi Israel yaab nan jenn bi, ki gaa baatiŋ, kaa ku bi na aayaabitiib mpɔɔn, ki ŋa bi binaagbiib, le bi tun waatuln. Bima le nan ye Amor yaab, ni Hef yaab, ni Peres yaab, ni Hif yaab, ni Jebus yaab. Biyaabitiib beenin ye binaagbiib, le ki nan saa n‑yoonn mumina.

Esekiel 47:20

“Liwilir wɔb aatinaanmɔk nan nyan Kaasisik ni Aanyusakpem mɔk ki di dii ŋŋangan wɔb ki ti saa libuul libaa ni, Hamaf Aasan aawilir wɔb.

Nkahm 13:29

Amalek yaab koo kitiŋ ki bi ŋŋangii wɔb na, le Hef yaab ni Jebus yaab, ni Amor yaab mu koo ŋigongon aatim ni, le Kanaann yaab koo gbɔk Kaasisik ni Aanyusakpem ki nɔn Jɔɔdann Aamɔɔl mu.”

Nkahm 34:8

ki ki yoor nima ti nya Hamaf aasan chee; le ki di dii kina ti nya Sedad,

Ikaal 1:7

Fiin nima chee ki li cha man. Ni li cha Amor yaab aatiŋ ki ye ŋigongon na ni, ni ŋipepel mɔmɔk ŋi fab na ni, ŋi ye Jɔɔdann aafataŋ, ni ŋigongon na, ni ŋigongon aataab, ki ti ker ŋŋangii aapepel wɔb, ki yoor kina ki ti ker Kaasisik ni Aanyusakpem aagbaan. Ni li cha Kanaann aatiŋ ni, ki jer koo Lebanonn Aajoo ni, ki yoor kina ki ti fuu Yufrates Aamɔɔl sakpeln mɔk.

Ikaal 3:9

Tɔ, Saidonn yaab yin Hemonn Aajool ngbaan ke Sirionn, le Amor yaab mu yin li ke Senir.

Josua 11:19

Kitiŋ ki aanib nan kpaan Israel yaab chee kimɔbaan na le nan ye Gibeonn yaab, bi ye Hif aanibol aanib na. Bi mɔmɔk gur na nan bee butɔb ngbaan ni a.

Josua 11:3

U nan ki tun Kanaann yaab bi ka nɔn Jɔɔdann aamɔɔl ŋipepel mɔmɔk ki ye Amor yaab, ni Hef yaab, ni Peris yaab, ni Jebus yaab na mu chee, bi mɔmɔk nan bi ŋigongon paab na, le ki kpee Hif yaab bi nan ka Hemonn Aajool aataab ki bi Mispa aatiŋ ni na chee.

Josua 13:3

ki kpee Afim yaab aatiŋ ki bi ŋŋangii wɔb na. (Kitiŋ ki dɔ Sihor aabun chee, ki bi Ijipt yaab aatiŋ aanaanmɔk na, ki yoor ti ker ŋŋangan wɔb, Ekronn aatiŋ mɔk na ye Kanaann yaab aatiŋ la; Filistia yaab aabɔrb le nan bi Gasa, ni Asdod, ni Askelonn, ni Gaf, ni Ekronn aatim ni.)

Josua 13:5

ki kpee Gebali yaab aatiŋ, ni Lebanonn aapepel, liwipuul wɔb, ki yoor Baalgad aatiŋ ki bi Hemonn Aajool, ŋŋangii wɔb na, ki ti ker Hamaf Aajool aasan na.

Josua 19:28

ni Ebronn, ni Rehob, ni Hamonn, ni Kana aatim ni, le ki di ti pii kitikpaan Saidonn ni.

Josua 9:7

Tɔ, Israel yaab nan bui bi ke, “Ba ŋa aan ni ban ke ti ŋa kimɔbaan? Nibaakan, nido aa daa do.”

Bibɔjirb 10:12

ni Saidonn yaab, ni Amalek yaab, ni Maonn yaab nan muk nimi n‑yaayoonn na, le ni wii yin mi. Maa nan gaa nimi lii ii?

Bibɔjirb 10:7

Kina pu na, Uwumbɔr aaŋuul nan fii Israel yaab pu, le u cha Filistia yaab ni Amonn yaab nyaŋ bi.

Bibɔjirb 14:4

Ute ni una aa nan nyi ke Uwumbɔr le bi ŋani kina. Uwumbɔr le nan bi ban nsan ke u ban Filistia yaab kijaak. N‑yoonn mumina na Filistia yaab le nan joo Israel yaab.

Bibɔjirb 18:7

Bijab biŋmu ngbaan nan nyan nima chee le ki buen Lais aatiŋ ni, ki nan kan binib ngbaan aah bi nsuudoon ni pu na. Bi nan bi nsuudoon ni ke Saidonn yaab na la. Bi nan ye nsuudoon aanib bi bi suuna na la, kaa kpa unii ubaa chee kijaak; bi nan kpa baah ban tiwan ni mɔmɔk na. Baah nan koo nin chee na nan daa Saidonn yaab sakpen, le bi ni binib biken aa kpa limaantɔl libaa.

Bibɔjirb 3:2

U nan ŋani kina ke u mɔk Israel aaniker mɔk butɔb aabɔr la. U nan ban binib bi aanimbil aa kee kan butɔb na le bee bu.

Bibɔjirb 4:2

Kina pu le Uwumbɔr nan cha Kanaann Aabɔr Jabinn u nan bi Hasor aatiŋ ni na nyaŋ bi. Waajab aaninkpel le nan ye Sisera u nan koo Harosef Hagoyim aatiŋ ni na.

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,

1 Samuel 29:2

Filistia aabɔrb biŋmu na nan di baajab ki nyan ni ŋigetek nkub nkub, ni ŋichur ŋichur la, le David, ni waajab, ni Ubɔr Akis ti paa puwɔb.

1 Samuel 6:16

Filistia aabɔrb biŋmu ngbaan nan si lik bi, le bi ŋa ni mɔmɔk ti doo, le bi gir kun Ekronn liyaadaal ngbaan.

1 Samuel 6:18

Bi nan ki tii salmaa aasayik ŋiŋmu mu, libaa mɔmɔk nan si tii ntim mu Filistia aabɔrb biŋmu na nan joo mu na la, mu bi nan maa ŋigon gob na, ni itingbaan i kaa kpa ŋigon na. Litakpasakpeln li pu bi nan di Uwumbɔr Aakaal Aadakaa toŋ, aan li bi Josua u koo Bef Semes aatiŋ ponn ni na aakpaab ni na, beenin bi nima din wee ki ye seeraa.

1 Samuel 6:4

Le binib ngbaan baa ke, “Ba aapiin aan ti ga di tun?” Le bi bui ke, “Salmaa ŋisayik aanaŋ ŋiŋmu, ni salmaa ŋichakpelar aanaŋ ŋiŋmu, ubaa mɔmɔk le si Filistia yaab aabɔr ubaa mɔmɔk aasisii. Tibɔbir baan ngbaan le u nan di tun tii ni mɔmɔk, ni bibɔrb biŋmu ngbaan mu pu.