Bibɔjirb 3:28 - Uwumbɔr aagbaŋ

²⁸ U nan bui bi ke, “Li dii mi man. Uwumbɔr tii nimi linyaŋ nimi aadim Moab yaab pu a.” Le bi nan dii Ehud ki sunn, le ki ti gaa Moab yaab aah ba ga dii nin chee ki puur Jɔɔdann Aamɔɔl na; baa nan cha uja ubaa kina puur.

Bibɔjirb 3:28 ပူးပေါင်းရင်းမြစ်များ

1 Bibɔrb 20:21

Ubɔr Ahab nan ti koo timoor ni le ki chur itaan ni yaatɔroku tiib, le ki nyaŋ Siria yaab ngbaan pel pel.

Josua 2:7

Le ubɔr aanib ngbaan siir buen, le bi laŋ kitiŋ ngbaan aabisamɔb aajaaleŋ. Binib ngbaan nan bi ban Israel yaab aapepekr na ki ti saa nsan aah puur Jɔɔdann aamɔɔl nin chee na.

Bibɔjirb 10:11

Uwumbɔr aah nan tii bi ngarm mu na sɔ: “Ijipt yaab, ni Amor yaab, ni Amonn yaab, ni Filistia yaab,

Bibɔjirb 12:5

Gilead yaab nan ti gaa gaa baah puur Jɔɔdann Aamɔɔl nin chee na le ke Efraim yaab ngbaan ubaa taa ŋmar ki san. Efraim yaab ponn ni ubaa yaa nan ti ban u puur ki san ŋmar kan, Gilead aajab baa u le ke, “Aa ye Efraim aanii la aa?” Le u yaa bui ke, “Aayii” kan,

Bibɔjirb 3:29

Liyaadaal ngbaan bi nan ku Moab aatɔb aajab bi ga nan li pii ŋichur kipiik na; bi ponn ni ubaa aa nan ŋmar.

Bibɔjirb 4:10

Barak nan yin Sebulunn, ni Naftali aanibol ni aanib di buen Kedes aatiŋ ni, le butɔb aajab ŋichur kipiik dii u. Debora mu nan dii u buen.

Bibɔjirb 7:14

Ujɔ ngbaan nan gar u ke, “Ni ye Israel yaab aanii Joas aajapɔɔn Gideonn aajaak aajuk la. Taatataa le na. Uwumbɔr tii u linyaŋ, Midiann yaab, ni timi aatɔb aajab mɔmɔk pu la.”

Bibɔjirb 7:15

Gideonn aah nan ŋun uja ngbaan aadaŋ, ni taatataa aah ye pu na, le u gbaan utaŋaayil pu ki doon Uwumbɔr. U nan gir buen Israel yaab chee le ki ti bui ke, “Fii man. Uwumbɔr tii nimi linyaŋ Midiann aajab pu a.”

Bibɔjirb 7:17

U nan tuk bi ke, “M yaa ti fuu nkakaa ngbaan aagbaan kan, ni li lik mi, ki ŋa maah ga ŋa pu na.

Bibɔjirb 7:24

Gideonn nan tun ituun Efraim aagongon aatiŋ mɔmɔk pu ke, “Dan nan jan Midiann yaab man. Li kii man Jɔɔdann Aamɔɔl, ni ikpen i di kina ki ti nyan Bef Bara aatiŋ pu na, aan ki taa cha Midiann yaab puur.” Efraim aajab nan kuun, le ki kiir Jɔɔdann Aamɔɔl, ni ikpen i di kina ki ti nyan Bef Bara aatiŋ pu na.

Bibɔjirb 7:9

Kinyeek ngbaan le Uwumbɔr nan tuk Gideonn ke, “Fii ki ti tak bi; m ga tii si linyaŋ bi pu.

1 Samuel 17:47

le binib bi mɔmɔk bi do na kan ke Uwumbɔr aa ban kijaak aajum, bee tikpaatunn, ke u di gaa waanib lii. U nyaŋni butɔb ni, le ki ga di ni mɔmɔk ŋa timi aapɔɔn ni.”