Bibɔjirb 3:27 - Uwumbɔr aagbaŋ

²⁷ Waah nan ti fuu ŋigongon aatiŋ ki ye Efraim aanibol aatiŋ ni na, le u pii ukpiin ke Israel aajab nya buen butɔb, le ki di bi sunn ŋigongon ngbaan.

Bibɔjirb 3:27 ပူးပေါင်းရင်းမြစ်များ

2 Samuel 20:22

Le upii ngbaan siir buen kitiŋ ngbaan ni aanib chee, ki ti bui bi waalandak, le bi chuu gii Seba aayil, ki di mee laan Joab, ligoln pu. Joab nan pii kakaan, ki mɔk ke waajab di cha kitiŋ ngbaan, le bi gir kun. Le Joab mu gir buen Jerusalem ni, ubɔr chee.

2 Bibɔrb 9:13

Libuul ngbaan ni le Jehu aaŋeen aatɔtiib bininkpiib ngbaan di tiwanpeenkaan ni bi pee paab na ter ŋibimbin ŋi pu bi taar joi paacham aadiik ni na ke Jehu taa ni pu, le ki pii kakaan tiib ki teen ke, “Jehu le ye ubɔr.”

Nehemia 4:14

M nan kan ke ilandak le joo maanib; le m bui bi ni baayidam, ni baaninkpiib ke, “Taa san man timi aadim ijawaan. Teer Uwumbɔr aah pɔɔ ki kpa ijawaan pu na, ki jan man nimi aanib ni nimi aabim, ni nipuutiib, ni nimi aadichal pu.”

Josua 17:15

Le Josua giin bui bi ke, “Ni yaa pɔr ki wiir sakpen le Efraim aagongon aatiŋ aa ŋeer nimi kan, ni li cha kipɔɔk ni, ki ti toor mpaan Peris yaab, ni Refa yaab aatim ni, ki tii nibaa.”

Josua 17:18

Ŋigongon aatiŋ ngbaan ga li ye nimi yaan. Mbamɔn, ki ye kichook la, ni ga ŋmaa gaa ki, ki maa nima, ki di ki mɔmɔk ŋa nimi aatiŋ. Kanaann yaab ma kan, baah kpa tikur aatɔroku mam ki pɔɔ sakpen pu na, ni ga ŋmaa jenn nyan bi.”

Bibɔjirb 10:1

Abimelek aakun aapuwɔb, le Pua aajapɔɔn Tola, u aayaaja nan ye Dodo na dan u nan gaa Israel aanib lii. U nan ye Isakar aanibol ni aanii la, le ki koo Samir aatiŋ ki bi Efraim aagongon aatiŋ pu na.

Bibɔjirb 17:1

Uja ubaa nan bi, ki nan koo Efraim aatiŋ ki ye ŋigongon aatiŋ na ni, le bi yin u ke Maika.

Bibɔjirb 19:1

N‑yoonn ngbaan Israel yaab aa nan kee kpa ubɔr, le Liifai aanii ubaa nan bi Efraim aagongon aatiŋ ni, dandar. U nan bɔnn upiibo ubaa Betlehem aatiŋ ki bi Juda aatiŋ ni na ki di u kunn udo.

Bibɔjirb 3:26

Buyoonn bi nan si kii ke u ti piir na, le Ehud nan san. U nan ti ki jer ŋitakpakpiikee na chee, le ki san ŋmar buen Seira aatiŋ ni.

Bibɔjirb 5:14

Bi nan nyan ni Efraim aatiŋ ni, ki sunn ni kifataŋ ni, ki paa Benjaminn aanibol, ni laanib pu. Bijab aaninkpiib ngbaan nan nyan ni Makir aataŋaal pu, le biyidam nyan Sebulunn aanibol ni.

Bibɔjirb 6:34

Uwumbɔr Aafuur Nyaan nan gbiin Gideonn, le u pii ukpiin, ke Abieser aataŋaal pu aajab nyan dii u.

Bibɔjirb 7:24

Gideonn nan tun ituun Efraim aagongon aatiŋ mɔmɔk pu ke, “Dan nan jan Midiann yaab man. Li kii man Jɔɔdann Aamɔɔl, ni ikpen i di kina ki ti nyan Bef Bara aatiŋ pu na, aan ki taa cha Midiann yaab puur.” Efraim aajab nan kuun, le ki kiir Jɔɔdann Aamɔɔl, ni ikpen i di kina ki ti nyan Bef Bara aatiŋ pu na.

1 Samuel 13:3

Jonatann nan ku Filistia yaab aajab aaninkpel Geba aatiŋ ni, le Filistia yaab mɔmɔk ŋun ti. Le Sɔɔl cha bi pii ukpiin Hiibru yaab aatiŋ mɔmɔk ponn ni, ke bi nyan ni ki nan buen butɔb.