Bibɔjirb 3:10 - Uwumbɔr aagbaŋ

¹⁰ Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

Bibɔjirb 3:10 ပူးပေါင်းရင်းမြစ်များ

1 Bibɔrb Aabɔr 12:18

Le Uwumbɔr Aafuur Nyaan gbiin bi ponn ni ubaa, u bi yin u ke Amasai na. U nan ŋa “Piitaa Na” aayidaan n‑yoonn mubaa, le u teen ke, “Jese aajapɔɔn David, ti si aachaŋ ni la. Linyaŋ ye sin ni binib bi ter si na yaan la. Uwumbɔr bi aa chee.” David nan gaa bi iŋaal ilee, le ki ŋa bi bininkpiib waajab ni.

2 Bibɔrb Aabɔr 15:1

Uwumbɔr Aafuur Nyaan nan dan Oded aajapɔɔn Asaria pu,

2 Bibɔrb Aabɔr 20:14

Uwumbɔr Aafuur Nyaan nan sunn ni Liifai aanii ubaa u nan si ŋmal kinipaak ngbaan ni na pu. Bi nan yin u ke Jahasiel, le ute ye Sekaria; u nan ye Asaf aataŋaal ni aanii la. Uyaajatiib le nan ye Asaf, ni Matania, ni Jeyel, ni Benaya.

Ilahn 51:11

Taa jenn mi aanimbiin ni kookoo; taa chuu nyan Saafuur Nyaan m chee.

Nkahm 11:17

M ga sunn ni ki nan len aa chee tibɔr nima, le ki di Maafuur Nyaan mu m di tii si na ngem, tii bi mu. Nima kan, bi ga ŋmaa ter si, aa joo binib ngbaan, le naan ki li ye si baanja le ga li joo bi.

Nkahm 11:25

Nima chee le Uwumbɔr sunn ni, ntaalangbam ni, ki nan len tibɔr u chee. U nan di Nfuur Nyaan mu u di tii Moses na ngem, ki di tii bisalolm imonko itaa ni kipiik ngbaan mu. Buyoonn Nfuur Nyaan ngbaan sunn ni bi pu na, le bi piin ki len ke Uwumbɔr aabɔnabtiib na, le ni mu aa nan yunn.

Nkahm 11:29

Moses nan giin bui u ke, “Ba ŋa aa cha maanyuŋ aabɔr muk si? M ba ga li gee ke Uwumbɔr di Waafuur Nyaan tii waanib ngbaan mɔmɔk, aan ki cha bi mɔmɔk li len ke bibɔnabr na.”

Nkahm 24:2

le ki kan Israel yaab ka ŋinibol ŋinibol. Uwumbɔr Aafuur Nyaan nan koo u ni,

Nkahm 27:18

Uwumbɔr nan bui Moses ke, “Nyan Nunn aajapɔɔn u bi yin u ke Josua na, uja u bi mbamɔm na, ki di aaŋaal paan uyil paab.

Hiibru Yaab 6:4

Tɔ, binib bi Uwumbɔr woln binimbil na yaa di cha waasan kan, baan ki ŋmaa kpeln baabimbin ki ki dii u. Bi kan waapiin, ki gaa Waafuur Nyaan,

Bibɔjirb 11:29

N‑yoonn ngbaan le Uwumbɔr Aafuur Nyaan gbiin Jefta. U nan bɔ dii Gilead ni Manase aatim ni, ki gir ni Mispa aatiŋ ki bi Gilead ni na, le ki di buen Amonn aatiŋ ni.

Bibɔjirb 11:32

Jefta nan puur limɔɔl ngbaan ke u ni Amonn yaab ti pii tɔb, le Uwumbɔr nan cha u nyaŋ bi.

Bibɔjirb 13:25

Le waah nan bi Dann aajab aakakaa ni, Sora ni Estaol aatim aakaasisik ni na, Uwumbɔr Aafuur Nyaan piin ki tii u mpɔɔn.

Bibɔjirb 14:19

Libuul ngbaan ni, le Uwumbɔr Aafuur Nyaan gbiin u, ki cha u pɔɔk nyib, le u buen Askelonn aatiŋ ni, ki ti ku bijab piitaa, ki chuu peer baawanpeenkaan nyaan nan tii bijab piitaa bi tuk u liyataŋakl ngbaan aatataa na. Nee aapuwɔb le u gir kun, le baah ŋmann u pu na aaŋuul ban li ti ku u.

Bibɔjirb 14:6

Libuul ngbaan ni le Uwumbɔr Aafuur Nyaan gbiin Samsonn, le u pɔɔk nyib, le u di uŋaal chuu uchinn ngbaan ki daa par u, ke waah ye uŋobo le na. Tɔ, waa nan kpiir tuk ute ni una waah ŋa pu na,

Bibɔjirb 15:14

Waah ti fuu Lehi aatiŋ ni na, le Filistia yaab san choo u chee ki tar u pu. Libuul ngbaan ni le Uwumbɔr Aafuur Nyaan gbiin u ki cha u pɔɔk nyib, le u daa keei iŋmin i buu uŋaal na ke yaah ye tikokonn ti wun mmii na le na.

Bibɔjirb 3:11

Nsuudoon nan dan kitiŋ ngbaan pu kina, ki ti saa ŋibin imonko ilee, le Otniel nin kpo.

Bibɔjirb 3:8

Uwumbɔr aaŋuul nan fii Israel yaab pu, le u cha Mesopotamia aabɔr, u bi nan yin u ke Kusann Risatayim na, nyaŋ bi, le ki joo bi, ki ti saa ŋibin ŋiniin.

Bibɔjirb 6:34

Uwumbɔr Aafuur Nyaan nan gbiin Gideonn, le u pii ukpiin, ke Abieser aataŋaal pu aajab nyan dii u.

1 Samuel 10:10

Sɔɔl ni waatutunn aah nan ti fuu Gibea na, Uwumbɔr aabɔnabtiib bibaa nan tooh u nsan ni. Libuul ngbaan ni le Uwumbɔr Aafuur Nyaan nan gbiin u, le u buen ti kpaan bi chee ki bi pak Uwumbɔr, Waafuur Nyaan aapɔɔn pu.

1 Samuel 10:6

Libuul ngbaan ni le Uwumbɔr Aafuur Nyaan ga gbiin si, le aa ga kpaan bi chee, baah bi pak Uwumbɔr, Waafuur Nyaan aapɔɔn pu pu na, le ki ga kpaln uniyayan.

1 Samuel 11:6

Sɔɔl aah ŋun kina na, le Uwumbɔr Aafuur Nyaan gbiin u, le u pɔɔk nyib, le usui fii,

1 Samuel 16:13

Samuel nan yoor olif aakpan ki di kpir David aayil pu, ki kaan u nnaan, ukpetiib aanimbil ni. Libuul ngbaan ni le Uwumbɔr Aafuur nyaan gbiin David, ki cha u pɔɔk nyib, ki bi u chee ki joo cha. Le Samuel gir buen Rama ni.