Bibɔjirb 21:25 - Uwumbɔr aagbaŋ

²⁵ Israel aatiŋ aa nan kpa ubɔr n‑yoonn ngbaan. Unii mɔmɔk nan ŋani waageehn la.

Bibɔjirb 21:25 ပူးပေါင်းရင်းမြစ်များ

Ilahn 12:4

“Ti joo timi aamɔmɔɔn le kani taah ban pu na. Ti ga len taah gee pu na, le ubaa aan ŋmaa ŋmin timi.”

Ŋiyataŋak 14:12

Saah dak ke nsan mu ye nsanyaan na le ga ŋmaa di si buen nkun ni.

Ŋiyataŋak 3:5

Di aasui mɔmɔk kii tii Uwumbɔr. Taa li joo saah dak ke aa nyi pu na tun.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Ikaal 12:8

“N‑yoonn ngbaan yaa nan fuu ni kan, naah bi ŋani pu na, ni taa ki ŋa kina.

Bibɔjirb 17:6

Ubɔr aa nan kee bi Israel aatiŋ pu n‑yoonn ngbaan; unii mɔmɔk nan ŋani waageehn la.

Bibɔjirb 18:1

Israel aatiŋ aa nan kpa ubɔr n‑yoonn ngbaan. N‑yoonn ngbaan, Dann aanibol aa nan kee kan baatiŋ Israel yaab biken chee, le ki chuun ban kitiŋ ke bi kal.

Bibɔjirb 18:7

Bijab biŋmu ngbaan nan nyan nima chee le ki buen Lais aatiŋ ni, ki nan kan binib ngbaan aah bi nsuudoon ni pu na. Bi nan bi nsuudoon ni ke Saidonn yaab na la. Bi nan ye nsuudoon aanib bi bi suuna na la, kaa kpa unii ubaa chee kijaak; bi nan kpa baah ban tiwan ni mɔmɔk na. Baah nan koo nin chee na nan daa Saidonn yaab sakpen, le bi ni binib biken aa kpa limaantɔl libaa.

Bibɔjirb 19:1

N‑yoonn ngbaan Israel yaab aa nan kee kpa ubɔr, le Liifai aanii ubaa nan bi Efraim aagongon aatiŋ ni, dandar. U nan bɔnn upiibo ubaa Betlehem aatiŋ ki bi Juda aatiŋ ni na ki di u kunn udo.

Bibɔjirb 21:24

N‑yoonn baan ngbaan le Israel yaab bi gur na mu buen, uja mɔk gir buen waanibol ni, ni waadichal ni, ni waatiŋ pu.