Bibɔjirb 20:34 - Uwumbɔr aagbaŋ

³⁴ Bi nan ye bijab ŋichur kipiik bi Israel yaab nan gann na la, le bi di koo Gibea aatiŋ ponn ni, le kijaak toŋ kpan kpan. Benjaminn aajab aa nan kee bee ke bi ban bi kuln bi la.

Bibɔjirb 20:34 ပူးပေါင်းရင်းမြစ်များ

Job Aagbaŋ 21:13

Bi bi nsuudoon ni le baamɔfal mɔmɔk ni, le ki nan kpo suuna, kaa jin falaa ubaa.

Ŋiyataŋak 29:6

Titunwanbirdam aagaawɔb le chur bi, le mbimbinyaandam ma kpa mpopiin ki ka fuur.

Ŋiyataŋak 4:19

Tɔ, bibiindam aasan ma bɔɔn ke kinyeek na la. Bi lir, le ki mu aa waa baah gbeer tiwan ni na.

Ulandaan 9:12

Ubaa aa nyi buyoonn nkun ga pii u na. Nkun bub chur unii ke gaawɔb, bee kipɔɔk aah chur inyoon pu aan yaa nyi na la.

Aisaya 47:11

Tibɔbir ga dan aa pu, le saanyɔk ngbaan mubaa aan ŋmaa kiir ti. Nfum mubaa le tibɔbir ga lir ni aa pu, tibɔbir ti saa kee dakl ti pu daalbaadaal na le ga lir aa pu.

Matiu 24:44

Nima pu na, ni mu li gor man; ba pu? buyoonn naan li dak ke m ga gir ni na, n‑yoonn ngbaan le m ga gir ni.”

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

Josua 8:14

N‑yoonn mu kitiŋ ngbaan aabɔr kan Josua ni waanib na, le u fii mala. U ni waanib mɔmɔk nan fii tooh Josua ni waanib Jɔɔdann aafataŋ ngbaan ni, bi ti to butɔb, baah nan ti nyaŋ bi nin chee na, kaa nyi ke bijab loon bi bipuwɔb.

Bibɔjirb 20:35

Uwumbɔr nan cha Israel yaab biken na nyaŋ Benjaminn aajab. Israel yaab biken na nan ku Benjaminn aajab ŋichur moninko ni ŋiŋmu, ni nkub la,