Bibɔjirb 20:27 - Uwumbɔr aagbaŋ

^27-28 N‑yaayoonn ngbaan Uwumbɔr Aakaal Aadakaa nan laa bi Betel aatiŋ ni nima chee, le Eleasar aajapɔɔn Fineas u aayaaja ye Aaronn na, nan lik u. Binib ngbaan nan baa Uwumbɔr ke, “Ti ki gir ti faa tinaabitiib Benjaminn yaab butɔb aan ti di cha?” Uwumbɔr nan gar bi ke, “Ti jan man. M ga fe tii nimi linyaŋ bi pu fen.”

Bibɔjirb 20:27 ပူးပေါင်းရင်းမြစ်များ

2 Samuel 7:6

Ki nyan nwiin mundaal m nyan ni Israel yaab Ijipt aatiŋ ni ki nan saa din wee na, maa kee koo lidichal ponn ni; m chuun kpak gonni ki bi likekeln aabool ni la.

Aisaya 59:1

Taa dak man ke Uwumbɔr aa kpa mpɔɔn ke u gaa nimi lii, bee u kpaa sakpen, kaan ki ŋun naah yin u pu ki ban nterm na.

Jeremia 7:12

Li cha man Silo aatiŋ ni, libuul li ni m nan puen lee ke ni li dooni mi nima na, ki ti lik maah ŋa nima chee, maanib Israel yaab aatunwanbir pu na.

Nkahm 27:21

U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.

Bibɔjirb 1:1

Josua aah nan kpo na aapuwɔb le Israel aanib baa Uwumbɔr ke, “Lilanibol ga puen buen ti tak Kanaann aanib.”

Bibɔjirb 20:18

Israel yaab nan buen baah dooni Uwumbɔr nin chee na Betel aatiŋ ni. Nima chee le bi ti baa Uwumbɔr ke, “Lilanibol ga puen tak Benjaminn aanibol?” Uwumbɔr nan gar bi ke, “Juda aanibol le ga puen tak.”

1 Samuel 10:3

Aa yaa nyan nima chee kan, aa ga di ti saa Tabor aasusakpem bubaa chee, le ki ki kan bijab bitaa bibaa bi cha Betel ke bi ti toor kitork tii Uwumbɔr. Bi ponn ni ubaa ga li dar iŋoob i laa diin na itaa, le uken mu ga li tu ŋiboroboro kpin ŋitaa, le utatar na tu ŋisubil aadaan aadabuul.