Bibɔjirb 20:22 - Uwumbɔr aagbaŋ

^22-23 Israel yaab nan gir buen baah dooni Uwumbɔr nin chee na, Uwumbɔr aanimbiin ni, ki ti wii ikpowiil ki ti lir nwiin. Bi nan baa u ke, “Ti ki gir ti faa tinaabitiib Benjaminn yaab butɔb aa?” Uwumbɔr nan gar bi ke, “Een.” Nima le nan pɔɔk Israel aajab aataakpab, le bi nan ti ki lol baajab siin ke baah fe si fen na pu na.

Bibɔjirb 20:22 ပူးပေါင်းရင်းမြစ်များ

2 Samuel 11:25

Le David bui ntuun ngbaan ke, “Ti pɔɔk Joab aataakpab, ki bui u ke u taa cha usui bii; ba pu? saan ŋmaa bee unii u ga bee butɔb ni na. Bui u ke u ki gir ti tak kitiŋ ngbaan ki nyaŋ ki.”

Ilahn 64:5

Bi pɔɔni tɔb aataakpab, baalandak i kaa ŋan na ponn ni, bi kpokl nin chee bi ga pen baagaawɔb mam na la. Bi len le ke, “Ubaa aan kan timi.”

Bibɔjirb 20:15

Liyaadaal ngbaan bi nan nyan baatim ni butɔb aajab ŋichur moninko ni ŋiloob la. Ki kpee bimina pu na, Gibea aatiŋ ni yaab nan gann ki kuun bijab bi nyi butɔb aabɔr mbamɔm na bijab ikui ilole. Bi mɔmɔk nan ye bigandam la. Bi mɔmɔk ga nan ŋmaa faa kiyikpirk kibaa lifulaataln, kaan lann.

Bibɔjirb 20:17

Israel aanibol ŋiken na nan kuun butɔb aajab bi nyi butɔb aabɔr mbamɔm na bijab ŋichur ikui inaa la.

Bibɔjirb 20:21

Benjaminn aatɔb aajab nan nyan ni baatiŋ ni; ki joo cha ni kijook wɔb na, Benjaminn aajab nan ku Israel yaab biken na aajab ŋichur moninko ni ŋilee.

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.