Bibɔjirb 20:19 - Uwumbɔr aagbaŋ

¹⁹ Kina pu le Israel yaab nan woln kitaak ki fii kichakpiik ni ki ti kuun kal Gibea aatiŋ chee.

Bibɔjirb 20:19 ပူးပေါင်းရင်းမြစ်များ

Josua 3:1

Naah woln kichakpiik ni na, Josua ni Israel aanib ngbaan mɔmɔk nan fii lichakpitaawoln, le ki nyan Sitim aatiŋ ni, ki buen Jɔɔdann Aamɔɔl chee. Bi nan bi nima chee ki kii nwiin mu bi ga puur li na.

Josua 6:12

Lelee aawiin daal, Josua nan pue fii kichakpiik ni, le ki cha bitotoorb, ni bijab ngbaan ki chuun mann kitiŋ ngbaan ke baah fe mann njan aawiin daal pu na; njan, bijab bi ye bisalolm na, le bitotoorb bilole bi pii ikpiinja aayiin ilole na, le ki cha bi tu Uwumbɔr Aakaal Aadakaa na, le kookoo yaab nan ye bijab bi paa puwɔb na. N‑yoonn mumina mɔmɔk bi nan chuun, le bikpiinpiib pii iyiin.

Josua 7:16

Le ni woln kichakpiik ni, le Josua pue fii, le ki joo ni Israel yaab ŋinibol ŋinibol Uwumbɔr aanimbiin ni, le Uwumbɔr nyan Juda aanibol.

Bibɔjirb 20:18

Israel yaab nan buen baah dooni Uwumbɔr nin chee na Betel aatiŋ ni. Nima chee le bi ti baa Uwumbɔr ke, “Lilanibol ga puen tak Benjaminn aanibol?” Uwumbɔr nan gar bi ke, “Juda aanibol le ga puen tak.”

Bibɔjirb 20:20

Bi nan buen le ki ti tak Benjaminn aajab, le ki cha butɔb aajab aanimbil wɔb lik kitiŋ ngbaan.