Bibɔjirb 20:13 - Uwumbɔr aagbaŋ

¹³ Nyan ni man bininsum ngbaan Gibea aatiŋ ni, aan ti ku bi ki nyan titunwanbir ngbaan Israel aanib ni.” Tɔ, Benjaminn aanibol aanib ngbaan aa nan di Israel yaab ngbaan aabɔr ngbaan yin nibaa.

Bibɔjirb 20:13 ပူးပေါင်းရင်းမြစ်များ

2 Samuel 20:1

Kinifaŋ kibaa nan nyan ni Benjaminn aanibol ni, ki ye Bikri aajapɔɔn, le ki bi Gilgal ni, le bi yin u ke Seba. U nan pii kakaan ki bui ke, “Taa ban David. Taan dii u. Israel aajab, cha ti kun man.”

2 Samuel 23:6

Binib bi kaa san Uwumbɔr na naahn ikokon i bi di mee na; ubaa aan ŋmaa di uŋaal meeh i,

1 Bibɔrb 21:13

Bibiindam bilee ngbaan nan fii sil binib ngbaan mɔmɔk aanimbil ni, ki len ke u puun lii Uwumbɔr ni ubɔr mɔmɔk pu, kina pu le bi nan di u nyan kitiŋ ngbaan ni n‑gbaan ki yur ŋitakpal ku u.

2 Bibɔrb Aabɔr 13:7

Puwɔb le u di nifam bi kaa bi tibaa ni na, le bi di baageehn tii Solomonn aajapɔɔn Rehoboam u nan par kaa nyi waah ga ŋa pu ki giin bi kaan na.

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

2 Bibɔrb Aabɔr 25:20

Le Amasia yii, kaan ŋun. Ni nan ye Uwumbɔr aageehn le ke Amasia lir. Waah nan dooni Edom yaab aawaa ŋi na pu, le Uwumbɔr nan siin kina.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Ulandaan 11:10

Taa cha tiwan nibaa li muk si ki tii si iween. Saapɔnn aan ki yunn sakpen.

Hosea 10:9

Uwumbɔr bui ke, “Israel yaab aah nan tun mi titunwanbir Gibea aatiŋ ni buyoonn na, baa kee di cha. Kina pu le butɔb ga pii bi Gibea aatiŋ ni.

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

Rom Yaab 1:32

Bi nyi ke Uwumbɔr len ke binib bi ŋani kina na ŋeer nkun, le bi tee beenin ŋani kina, ki len ke binib yaa ŋani kina kan, naa bir.

2 Korenti 6:15

Kristo ni kinimbɔŋ ga li ŋmaa kpaan kimɔbaan aa? Unii u dii Yesu aasan na, ni unii u kaa dii na aabimbin kpaan aa?

Ikaal 13:13

nibaakan ni ga ŋun ke titunwanbirdam bi ye nido yaab na mu ŋmann binaabitiib kitiŋ ki ponn ni bi bi na, le ki cha bi dooni ŋiwaa, ŋiwaa ŋi naa kee doon ŋi na,

Ikaal 13:5

Tɔ, ubɔnabr ngbaan, bee unii u nyi tidaŋ aatataa na yaa bui nimi ke ni yii Uwumbɔr u nan nyan ni nimi Ijipt yaab aatiŋ ni, nin chee ni nan ye binaagbiib na kan, ni ku u. Unii ngbaan aaboln ye mbiindaan la, le ki pɔɔni ubaa ke u nyan nimi Uwumbɔr aasan mu u tuk nimi ke ni li dii mu na ni. Ni ku udaan ngbaan, nima kan, ni ga gaa nibaa titunwanbir chee lii.

Ikaal 13:6

“Hali ni yaa ye aana aabo, bee aajapɔɔn, bee aabisal, bee aapuu u aa gee sakpen na, bee aajɔ u aa ni u aan ŋmaa yakr tɔb chee na, le yaa loon bui si ke ni li dooni ŋiwaa kan, aa taa kii tii u. Aa ni aayaajatiib aa kee dii ŋiwaa ngbaan.

Ikaal 17:12

Unii u yii ubɔjir, bee utotoor u bi lituln ni liyaadaal ngbaan na aamɔb kan, ni ku u. Ni yaa nyan udaan ngbaan kina kan, ni ga nyan kina aatunwanbir, Israel aatiŋ ni.

Ikaal 17:7

Ni cha seeraadam ngbaan pue mee u ŋitakpal, aan nimi bi gur na mu kpee bi pu, ki ku u. Ni yaa ŋa kina kan, ni ga nyan titunwanbir ngbaan ni chee.

Ikaal 21:21

Bi cha kitiŋ ngbaan ni aajab mɔmɔk mae ŋitakpal ki ku u, nima kan, ni ga nyan titunwanbir kina aaboln nibaa chee. Binib bimɔk bi Israel aatiŋ kee ni na yaa ŋun naah ŋa pu na kan, bi ga san ijawaan.

Ikaal 22:21

bi di u buen ute aadichal aanampal, aan kitiŋ ngbaan ni aajab mae ŋitakpal ku u. Upii ngbaan aah nan laa bi ute do ki bee uja aan ki nin kun tichar pu na, u jinn waanib Israel yaab inimɔɔn. Ni yaa ku u kan, ni ga nyan kina aatunwanbir aaboln nibaa chee.

Ikaal 22:24

ni nyan bi kitiŋ ngbaan aagbaan ki ti mae ŋitakpal ku bi. Ni ŋeer ke ni ku upiibo ngbaan, ba pu? u yii, kaa wii yin binib; u yaa ba wii kan, binib ba ga ŋun ki gaa u lii. Le uja mu ŋeer ke u kpo, ba pu? u doon upiibo u ubaa ban u yoor na chee. Ni yaa ku bi mɔmɔk bilee ngbaan kan, ni nyan kina aatunwanbir aaboln nibaa chee a.

Ikaal 24:7

“Israel aanii umɔk loon chuu uŋeen aatɔ ki di u ŋa waanaagbiija, bee u di u kooh bi ti ŋa u unaagbiinii na kan, ni ku u. Ni yaa ku u kan, ni ga nyan kina aatunwanbir aaboln nibaa chee.

Bibɔjirb 19:22

Bi nan bi ji ki mɔɔni, le bininsum bibaa nyan ni kitiŋ ni ki nan kpaan gob lidichal ngbaan ti ton ki gbaa jaaleŋ. Bi nan bui ujaninkpel ngbaan ke, “Nyan ni uja u ba dii si kun ni na. Ti ban ti doon u chee la.”

Bibɔjirb 20:12

Israel aanibol ngbaan nan tun ituun Benjaminn aanibol aapepel mɔmɔk ni ke, “Ba aabiil aan ni bii na?

Bibɔjirb 20:14

Bi nan nyan ni Benjaminn aapepel aatim mɔmɔk ni, ki dan Gibea aatiŋ ni ke bi ni Israel yaab biken na nan jan kijaak.

1 Samuel 2:25

Unibɔn yaa tun uŋeen aatɔ taani kan, nibaakan Uwumbɔr ga san u kinimbaak, tɔ, ŋma ga ter unii u tun Uwumbɔr titunwanbir na?” Le baa pel bite aah len pu na, ba pu? Uwumbɔr nan siin ke u ku bi.

1 Samuel 30:22

Le nifam bibaa ni maa‑kpa‑laasaab‑dam bibaa bi nan dii David buen na bui ke, “Baa dii timi ki buen, kina pu na, taan tii bi taah gaa tiwan ni na nibaa. Bi ga ŋmaa yoor bipuutiib ni baabim ki li cha.”