Bibɔjirb 20:1 - Uwumbɔr aagbaŋ

¹ Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.

Bibɔjirb 20:1 ပူးပေါင်းရင်းမြစ်များ

2 Samuel 19:14

David aaliin yee nan cha u kan Juda aajab mɔmɔk aapak, le bi di lilambil tii u, ke u ni waajab mɔmɔk gir ni.

2 Samuel 2:9

Nima chee le Abner ti kaan Isbosef nnaan, ke u li ye Gilead, ni Aser, ni Jesreel, ni Efraim, ni Benjaminn aapepel, ni Israel yaab aatim muken mɔmɔk aabɔr.

2 Samuel 24:2

Kina pu le David bui waajab aaninkpel Joab ke, “Di saaninkpiib, ki bɔ dii Israel aanibol mɔmɔk aatim ni, ki kahn binib ngbaan. M ban m bee baah wiir pu na la.”

1 Bibɔrb 5:5

Uwumbɔr nan puu tipuur tii nte David ke, ‘Aajapɔɔn u m ga ŋa u ubɔr saajal pu na, le ga maa Lidichal tii mi.’ Kina pu na, m ŋa nlandak ke m maa Lidichal tii Ndindaan Uwumbɔr.

2 Bibɔrb 25:23

Juda aaninkpiib ni baajab bi kaa nan di bibaa tii Babiloŋ yaab na aah ŋun kina na, le bi buen Gedalia chee Mispa aatiŋ ni. Bininkpiib ngbaan le nan ye Netania aajapɔɔn Ismael, ni Karea aajapɔɔn Johanann, ni Tanhumef u nyan ni Netofa aatiŋ ni na aajapɔɔn Seraya, ni Maaka aatiŋ aanii Jesania.

1 Bibɔrb Aabɔr 21:2

David nan bui waajab aaninkpel Joab ni waaninkpiib biken ke, “Bɔ dii man Israel aatiŋ ni, ki nya kitiŋ ngbaan aapepel libaa mɔk ki ti saa liken mɔk ki kahn binib ngbaan.”

2 Bibɔrb Aabɔr 30:5

le bi yin Israel yaab mɔmɔk ki nyan Dann aatiŋ ki bi ŋŋangan wɔb na ki ti saa Beerseba ki bi ŋŋangii wɔb na, ke bi dan Jerusalem ni ki nan ji Lakr‑jer aajim, nkaal aah mɔk pu na, ki li wiir jer baah ti puun ji pu na.

Esra 3:1

Joo cha ni ŋmalole ni na, Israel aanib mɔmɔk nan kal kal baatim ni. Nee aapuwɔb le bi mɔmɔk kuun dan Jerusalem ni,

Nehemia 11:27

ni Hasar Sual aatim, ni Beerseba ponn ni, ni itingbaan i mann goln ki na mu ni.

Nehemia 8:1

Ki joo cha ni ŋmalole ponn ni na, Israel aanib mɔmɔk nan kal baatim ponn ni. Uŋmal ngbaan aajan aawiin daal le bi mɔmɔk nan kuun ni Jerusalem ponn ni, mbisamɔb mu bi yin mu ke Nnyun Aabisamɔb na chee. Bi nan bui Esra, u nan ye utotoor ki mu bae Nkaal mu Uwumbɔr nan di tii Moses ke u di tii Israel yaab na, ke u ti yoor ni Nkaal Aagbaŋ ngbaan.

Jeremia 40:6

M nan buen Mispa aatiŋ ni, le ki ti koo Gedalia ni binib bi gur kitiŋ ngbaan pu na ni chee.

Nkahm 32:1

Rubenn ni Gad aanibol nan kpa tiwakor ti wiir pam. Bi nan kan ke Jaser ni Gilead aatim kpa kimopɔɔk ki ŋan tiwakor ga kan timoor ki ŋmɔ na,

Nkahm 32:40

Nima pu na, Moses nan di Gilead aatiŋ ngbaan tii Makir aataŋaal ni yaab, le bi koo nima.

Josua 15:38

ni Dileann, ni Mispa, ni Jokteel,

Josua 17:1

Bi nan di kitiŋ ngbaan aapepel li bi Jɔɔdann Aamɔɔl aawilir wɔb na tii Josef aajapɔpol u bi nan yin u ke Manase na aanibol ligeln libaa aamaal. Gilead aate u bi nan yin u ke Makir na, uma le nan ye Manase aajapɔpol, u nan ye uja u ŋmaa to likumbool na la, nima pu na, Gilead aatiŋ, ni Basann aatiŋ ki nan bi Jɔɔdann Aamɔɔdapuul liwipuul wɔb na le bi nan di tii u,

Josua 18:26

ni Mispa, ni Kefira, ni Mosa,

Josua 22:12

Israel yaab biken na aah ŋun kina na, le bi mɔmɔk kuun dan Silo aatiŋ ni, ke bi buen ti to ŋinibol ngbaan butɔb.

Josua 22:9

Kina le Rubenn ni Gad aanibol, ki kpee Manase aanibol ligeln liken na, gir kun. Bi nan buen ki cha Israel yaab bi gur na, le bi gaar Silo aatiŋ ki bi Kanaann ni na, le ki chaa kun baatiŋ ni, bi yin ki ke Gilead. Kitiŋ ngbaan le Uwumbɔr nan bui Moses ke u di tii bi.

Josua 4:13

Bijab bi nan ŋeer butɔb na ga nan li pii ŋichur imonko ilee, le ki puur Jɔɔdann Aamɔɔl, Uwumbɔr aanimbiin ni, ki kal nteer mu bi gbɔk Jeriko aatiŋ na chee.

Bibɔjirb 10:17

N‑yoonn ngbaan le Amonn yaab gaar ke bi buen butɔb, ki ti kuun bi Gilead aatiŋ pu, le Israel aajab mu kuun tɔb ki ti kal Mispa aatiŋ ki bi Gilead aatiŋ ni na ni.

Bibɔjirb 11:11

Kina pu le Jefta nan gir dii Gilead aasalolm ngbaan, le binib ngbaan di u ŋa baajojoor, ni usaloln. Jefta nan tuk bi waalandak Mispa aatiŋ ni, Uwumbɔr aanimbiin ni la.

Bibɔjirb 11:34

Jefta aah gir kun Mispa aatiŋ ni na, ubisal nan nyan ni ke u tooh ute nsan ni, le ki yikr nchayakrtuun, ki waa liwaal. Uma le nan ye waabobaal li u kpa na.

Bibɔjirb 18:29

Bi nan kpeln kaayimbil Lais, ki gur joo biyaaja Dann u nan ye Jakob aajapɔɔn na aayimbil le yin ki.

Bibɔjirb 20:11

Kina pu na, Israel aajab mɔmɔk nan kuun ki kpa nlandakbaan le ke bi ti tak Gibea aatiŋ.

Bibɔjirb 20:18

Israel yaab nan buen baah dooni Uwumbɔr nin chee na Betel aatiŋ ni. Nima chee le bi ti baa Uwumbɔr ke, “Lilanibol ga puen tak Benjaminn aanibol?” Uwumbɔr nan gar bi ke, “Juda aanibol le ga puen tak.”

Bibɔjirb 20:2

Israel aanibol mɔmɔk aasalolm nan bi Uwumbɔr aanib aakuun mumina ponn ni, le butɔb aajab bi chuun bitaa pu na ti saa bijab ŋichur ikui inaa.

Bibɔjirb 20:26

Israel aanib mɔmɔk nan ki buen Betel aatiŋ ni ki ti wii ikpowiil. Bi nan ka Uwumbɔr aanimbiin ni, nima chee, kaa jin tijikaar le nwiin ti lir. Bi nan toor kimɔbaan aapiin aatork, ki di tiwakor ngbaan tibaa timɔnn see mmii ni, Uwumbɔr aanimbiin ni.

Bibɔjirb 20:8

Binib ngbaan mɔmɔk nan sil nfum mubaa pu le ki bui ke, “Ti ponn ni ubaa aan gir kun, udaan yaa koo libool ni, bee lidichal ni kan, ubaa aan kun.

Bibɔjirb 21:5

Bi nan baa ke, “Israel aanibol mɔmɔk ponn ni aanib bibaa bi, kaa buen Mispa aatiŋ ni, Uwumbɔr aanimbiin ni ii?” Bi nan puu tipuukpaan ke bi ku unii umɔk kaa buen na.

1 Samuel 10:17

Samuel nan kuun Israel yaab Uwumbɔr aanimbiin ni, Mispa aatiŋ ni,

1 Samuel 3:20

Kina pu le Israel aanib mɔmɔk, bi bi Israel aatiŋ ŋipepel mɔmɔk ni na bee ke Samuel nan sil ye Uwumbɔr aabɔnabr la.