Bibɔjirb 2:21 - Uwumbɔr aagbaŋ

²¹ maan ki jenn nyan ŋitimbol ŋi aanib beenin bi kitiŋ ngbaan pu Josua aakun yoonn na libaa aanib.

Bibɔjirb 2:21 ပူးပေါင်းရင်းမြစ်များ

Esekiel 20:24

Baah yii maamɔkm, ki bii maakaal, ki koor Likpaakool daal aajoom, ki dooni ŋiwaabaan ŋi biyaajatiib nan dooni na pu le m nan ŋa kina.

Josua 23:13

ni li nyi ke Nidindaan Uwumbɔr aan jenn nyan ŋinibol ngbaan, naah tur koo bi ponn ni pu na. Bi ga tee li ye ntafadaan le ni pu, ki li ye gaawɔb, ni libuul tii nimi. Le baah ga ŋa nimi falaa u na ga li wu nipuwɔb ke mbambaan na la, ki ga ki li wu ke ikokon le aah saar ninimbil ni na. Le ni ga li bi kina hali ki ti saa buyoonn ni ponn ni ubaa aan ti ki gur kitinyaan kimina ponn ni, kitiŋ ki Nidindaan Uwumbɔr di tii nimi na.

Josua 23:4

M tii nimi ntim mu gur ke ni ga gaa, aan mu li ye nimi yaan na, le ki kpee ntim mu ti nyaŋ ki gaa, ki yoor Jɔɔdann Aamɔɔl mɔk, liwipuul wɔb, ki ti ker Kaasisik ni Aanyusakpem mɔk, liwilir wɔb na.

Josua 23:5

Nidindaan Uwumbɔr le ga cha nimi aadim san nimi ijawaan, ki ga jenn nyan bi, le ni ga gaa baatim ke uma Nidindaan Uwumbɔr aah puu tii nimi pu na.

Bibɔjirb 1:1

Josua aah nan kpo na aapuwɔb le Israel aanib baa Uwumbɔr ke, “Lilanibol ga puen buen ti tak Kanaann aanib.”

Bibɔjirb 2:3

Nima le m bui nimi ke naah tur koo binib bi ponn ni na, maan jenn nyan bi baatiŋ ni. Bi ga li ye nimi aadim la, le baawaa ga li ye gaawɔb tiib le ni chee.”

Bibɔjirb 3:1

Kina pu na, Uwumbɔr nan cha ŋitimbol ŋibaa aanib gaar kitiŋ ngbaan pu, ke u di tɔŋ Israel yaab bi kaa nan kan bi ni Kanaann yaab aatɔb na, ki lik.

Bibɔjirb 3:3

Filistia aatim muŋmu, ni Kanaann yaab mɔmɔk, ni Saidonn yaab, ni Hif yaab bi nan koo Lebanonn Aajoo ni, ki nyan Baal Hemonn Aajool chee ki ti saa Hamaf aasan chee na, gaar kitiŋ ngbaan pu.