Bibɔjirb 2:2 - Uwumbɔr aagbaŋ

² Ni taa puu tipuur tibaa tii binib bi koo kitiŋ kee ponn ni na. Ni ber baawaa aatork aabimbin.’ Le ni yii, kaa ŋa maah tuk nimi pu na. Maah tuk nimi ke ni taa ŋa pu na le ni tee ŋa.

Bibɔjirb 2:2 ပူးပေါင်းရင်းမြစ်များ

Mpiin 12:18

Iween aah lir ubɔr ni udo yaab pu na, le u tun ki ti yin ni Abram, le ki nan baa u ke, “Ba ŋa aa ŋa mi kina? Ba ŋa saa tuk mi mbamɔn ke u ye aapuu la?

Mpiin 4:10

Le Uwumbɔr ki baa u ke, “Ba ŋa aa ŋa kina? Aanaal aasin bi kitiŋ ki wii, ki mɔk ke sin le ku u.

Nnyam 32:21

Le u baa Aaronn ke, “Binib ngbaan ŋa si kinye, aan aa cha bi tun titunwanbir sakpen timina aaboln?”

Jeremia 2:18

Ni dak ke ni yaa gir buen Ijipt aatiŋ ni ki ti nyun Nail aamɔɔl ponn ni aanyun kan, ni ga kan ba aanyoor? Ni dak ke ni yaa buen Asiria ki ti nyun Yufrates aamɔɔl aanyun kan, ni ga kan ba aanyoor?

Jeremia 2:36

Ni di nibaa ŋa dafir aanib, naah chuun dii ŋitimbol ŋiken aawaa pu na pu. Ijipt yaab ga jinn nimi inimɔɔn ke Asiria yaab aah nan ŋa nimi pu na.

Jeremia 2:5

Uwumbɔr bui ke: “Ngalm mulamu aan niyaajatiib nan di galn mi? Ba nan cha bi fenn bipuwɔb tii mi? Bi nan dooni ŋiwaa ŋi kaa bi tibaa ni na le ki mu kpaln maabitibaanidam bibaa.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

2 Tesalonika 1:8

ki li joo ni mmiigaal u nan daa binib aatafal. Binib bi yii Uwumbɔr na, ni binib bi kaa kii Tidindaan Yesu aabɔnyaan tee na, u ga daa bima le aatafal.

Josua 9:7

Tɔ, Israel yaab nan bui bi ke, “Ba ŋa aan ni ban ke ti ŋa kimɔbaan? Nibaakan, nido aa daa do.”

1 Piita 4:17

Ni ŋeer Uwumbɔr piin ki ji binib tibɔr. U ga puen ji waanib le tibɔr, le ki nin ji biken tibɔr. U yaa puen ji timi waanib tibɔr kan, binib bi kaa kii waabɔnyaan na aabɔr ga doo kinye?

Bibɔjirb 2:20

Le Uwumbɔr aaŋuul ti fii Israel yaab pu sakpen, le u bui ke, “Litimbol limina bii tipuur ti m nan bui biyaajatiib ke bi li joo ti na. Baah kaa kii maamɔb pu na,

Bibɔjirb 6:10

M nan bui nimi ke min le ye Nidindaan Uwumbɔr, kina pu na, naah koo Amor yaab aatiŋ ni pu na, ni taa dooni baawaa. Le ni yii, kaa ŋun tii mi.”

Bibɔjirb 6:8

le u di waabɔnabr u nan joo ni inaŋ imina na tii ni bi. Inaŋ ngbaan sɔ: “Min u ye nimi Israel yaab Aadindaan Uwumbɔr na le nan nyan ni nimi tinaagbiir ni, Ijipt aatiŋ ni.

Bibɔjirb 8:27

Gideonn nan di salmaa ngbaan naan liwaal, le ki di li siin udo aatiŋ Ofra ni. Israel yaab mɔmɔk nan yii Uwumbɔr, le ki chaa ti dooni liwaal ngbaan. Nimina nan ye gaawɔb le ki tii Gideonn aadichal.