Bibɔjirb 2:19 - Uwumbɔr aagbaŋ

¹⁹ Le usaloln ngbaan yaa ti ti kpo kan, le binib ngbaan ki gir buen baatunwanbir ni, le ki tun ni bir jer biyaajatiib na. Bi nan dooni ŋiwaa, le ki tun tii ŋi, ki yii, kaan di cha baatunwanbir aatum.

Bibɔjirb 2:19 ပူးပေါင်းရင်းမြစ်များ

Mpiin 6:11

Binib bi gur na nan tun titunwanbir Uwumbɔr chee la, le ki gbaa ki ku tɔb.

Nehemia 9:28

Nsuudoon aah gir ni na, le bi ki tun titunwanbir, le aa ki cha baadim nyaŋ bi. Le baah ki yii baatunwanbir ki fenn gir ni aa chee ke aa ter bi na, aa bi paacham ki ŋun, ki joo saanimbaasaln gaal bi lir n‑yoonn mɔmɔk.

Ilahn 78:8

Baan li bi ke biyaajatiib na, kaan li ye binib bi yii Uwumbɔr aamɔb ki nyan upuwɔb na. Baan li ye binib bi kaa gaa Uwumbɔr ki kii mbamɔm, kaan ŋmaa nyii u pu ki sil n‑yoonn mɔmɔk na.

Nnyam 32:7

Uwumbɔr nan bui Moses ke, “Gir sunn mala, ba pu? saanib bi aa nyan ni bi Ijipt aatiŋ ni na tun titunwanbir, ki yii mi a.

Jeremia 16:12

Le nimi ŋa tiwan ni bir jer niyaajatiib yaan na. Ni mɔmɔk kpa tafalaaŋun le ki tun titunwanbir, kaa kii maamɔb.

Jeremia 23:17

Bi tuk binib bi yii kaa pel maah len pu na ke nibaa aan ŋa bi, le ki tuk binib bimɔk kpa tafalaaŋun na ke tibɔbir aan dan bi pu.”

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Esekiel 20:30

Tɔ, tuk Israel yaab ngbaan min Bidindaan Uwumbɔr aah len pu na ke: Ba ŋa ni san dii ŋiwaa ŋi nitetiib nan dii na, ki tun titunwanbir baan ti bi nan tun na?

Matiu 23:32

Niyaajatiib aah nan tun titunwanbir ti na, ni mu ga tun tima la, le ki ti doo.

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Josua 24:31

Josua aah nan bi limɔfal ni, ki ti saa buyoonn u kpo na, Israel yaab nan dii Uwumbɔr mbamɔm, le waah kpo na, bi nan beenin dii u mbamɔm, ki ti saa buyoonn baaninkpiib bi nan kan Uwumbɔr aah nan ŋa lijinjiir aawan pu na, mu nan kpoi.

Bibɔjirb 10:13

Tɔ, ni nan ki yii mi ki dooni ŋiwaa, kina pu na, maan ki gaa nimi lii.

Bibɔjirb 2:18

N‑yoonn mumɔk Uwumbɔr nan ti tii Israel yaab usaloln na, u ga nan ter usaloln ngbaan le ki gaa Israel yaab baadim chee lii. U nan ti kii bi kina le ki ti saa usaloln ngbaan aamɔfal aadoon. Baah nan ker idun, baafalaa ni limukl pu pu na, le Uwumbɔr san bi kinimbaak.

Bibɔjirb 2:20

Le Uwumbɔr aaŋuul ti fii Israel yaab pu sakpen, le u bui ke, “Litimbol limina bii tipuur ti m nan bui biyaajatiib ke bi li joo ti na. Baah kaa kii maamɔb pu na,

Bibɔjirb 2:7

Josua aamɔfal mɔmɔk ni, Israel aanib nan dii Uwumbɔr la, le waakun aapuwɔb na bi nan beenin dii Uwumbɔr; buyoonn bininkpiib bi nan bi ki kan Uwumbɔr aah nan tun ŋitukpaan ŋi tii Israel yaab na nan beenin bi na.

Bibɔjirb 4:1

Ehud aah nan kpo na, le Israel aanib ki tun Uwumbɔr titunwanbir.

Bibɔjirb 8:33

Gideonn aah kpo na, Israel aanib nan ki piin ki nya Uwumbɔr aapuwɔb ki dooni Baal aawaa. Bi nan di Baal Berif le ŋa baawaal,

1 Samuel 15:23

Aa yaa yii waamɔb kan, ni ye titunwanbir ke kisook na la. Kigaak mu bir ke ŋiwaa aadoon na la. Saah yii Uwumbɔr aamɔb pu na, kina le u mu yii si, ke saan ki li ye ubɔr.”