Bibɔjirb 2:18 - Uwumbɔr aagbaŋ

¹⁸ N‑yoonn mumɔk Uwumbɔr nan ti tii Israel yaab usaloln na, u ga nan ter usaloln ngbaan le ki gaa Israel yaab baadim chee lii. U nan ti kii bi kina le ki ti saa usaloln ngbaan aamɔfal aadoon. Baah nan ker idun, baafalaa ni limukl pu pu na, le Uwumbɔr san bi kinimbaak.

Bibɔjirb 2:18 ပူးပေါင်းရင်းမြစ်များ

Mpiin 6:6

nima pu le usui bii sakpen, waah naan unibɔn u na pu.

2 Bibɔrb 13:4

Le Ubɔr Jehoahas mee Uwumbɔr, le Uwumbɔr aah nan waa Siria aatiŋ aabɔr aah ŋani Israel yaab mbiin sakpen pu na, le u kii waameel ngbaan.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 90:13

Saaŋuul ga ki yunn ki ti saa kinye? Uwumbɔr, san saatutum kinimbaak.

Nnyam 2:24

le ni nan chuu u kinimbaak, le u teer tipuur ti u nan puu tii Abraham, ni Aisak, ni Jakob na.

Nnyam 3:12

Le Uwumbɔr bui u ke, “M ga li bi aa chee, le buyoonn aa nyan ni bi Ijipt aatiŋ ponn ni na, ni ga li dooni mi lijool lee paab la. Nimina le ga mɔk ke min le tun si.”

Nnyam 32:14

Nima pu na, Uwumbɔr nan kpeln waalandak, le kaa ki daa bitafal waah nan dak pu na.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Jona 3:10

Uwumbɔr nan kan baah ŋa pu na; u nan kan ke bi di cha baabiin aabimbin, kina pu le u kpeln waalandak kaa ki daa bitafal ke waah ba ga daa pu na.

Nkahm 10:9

N‑yoonn mu ni bi nimi aatiŋ ni, ki buen butɔb ni, ki ban ni gaa nibaa lii nimi aadim bi lir ni pu na kan, ni pii kakaan tiib ngbaan baah ban bi piin butɔb pu na, le min Nidindaan Uwumbɔr ga ter nimi, ki nyan nimi, nimi aadim aaŋaal ni.

Ikaal 32:36

Uwumbɔr yaa kan ke waanib aa ki kpa mpɔɔn kpala kan, u ga gaa bi lii. U ga san binib bi tun tii u na kinimbaak, u ga ter bi buyoonn baa ti ki kan nterm na.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Bibɔjirb 10:16

Bi nan di ŋiwaa lii, le ki dooni Uwumbɔr, le baapombiin aabɔr nan ki muk u.

Bibɔjirb 11:32

Jefta nan puur limɔɔl ngbaan ke u ni Amonn yaab ti pii tɔb, le Uwumbɔr nan cha u nyaŋ bi.

Bibɔjirb 2:19

Le usaloln ngbaan yaa ti ti kpo kan, le binib ngbaan ki gir buen baatunwanbir ni, le ki tun ni bir jer biyaajatiib na. Bi nan dooni ŋiwaa, le ki tun tii ŋi, ki yii, kaan di cha baatunwanbir aatum.

Bibɔjirb 3:9

Le Israel yaab nan wii yin Uwumbɔr, le u tun ni uja ubaa u nan gaa bi lii. Uja ngbaan le nan ye Kaleb aanaal Kenas aajapɔɔn Otniel.

Bibɔjirb 6:12

Uwumbɔr aatuun ngbaan nan di lil u pu nima ki bui u ke, “Ujakaandaan, mpɔɔndaan, Uwumbɔr bi aa chee.”

Bibɔjirb 6:16

Uwumbɔr nan gar u ke, “Maah ga ter si pu na le ga cha aa ŋmaa ŋa kina. Aa ga kuln Midiann yaab ngbaan ke baah ye unibaan le na. Naan li pɔɔ kpala.”