Bibɔjirb 2:16 - Uwumbɔr aagbaŋ

¹⁶ Le Uwumbɔr tii Israel yaab bisalolm bi ga gaa bi binib bi looni bi na chee lii na.

Bibɔjirb 2:16 ပူးပေါင်းရင်းမြစ်များ

Nehemia 9:27

kina pu le aa nan cha baadim nyaŋ bi ki joo bi. Baah nan bi limukl ponn ni na bi nan yin si ke aa ter bi, le aa nan bi paacham ki kii. Saanimbaasaln sakpeln ponn ni le aa tii bi biyidam bi nan gaa bi lii baadim chee na.

Lituln 13:20

“N‑yoonn ngbaan le u tii bi bibɔjirb, bi li joo bi, ki ti saa waabɔnabr Samuel aayoonn.

Bibɔjirb 10:1

Abimelek aakun aapuwɔb, le Pua aajapɔɔn Tola, u aayaaja nan ye Dodo na dan u nan gaa Israel aanib lii. U nan ye Isakar aanibol ni aanii la, le ki koo Samir aatiŋ ki bi Efraim aagongon aatiŋ pu na.

Bibɔjirb 11:32

Jefta nan puur limɔɔl ngbaan ke u ni Amonn yaab ti pii tɔb, le Uwumbɔr nan cha u nyaŋ bi.

Bibɔjirb 3:15

Le Israel yaab nan wii yin Uwumbɔr, le u tun ni uja ubaa ke u nan gaa bi lii. Bi nan yin uja ngbaan ke Ehud, le u ye ugandaan. Ute le nan ye Gera, u ye Benjaminn aanibol ni aanii na. Israel aanib nan ban ipiin, le ki di tun Ehud, ke u di ti tii Moab Aabɔr Eglonn.

Bibɔjirb 3:31

Usaloln u nan nab Ehud aatuln pu na le nan ye Anaf aajapɔɔn Samgar. U mu nan gaa Israel yaab lii. U nan di lidabil li aamɔb chɔɔ na, le ki ku Filistia aajab ikui iloob.

Bibɔjirb 4:5

U nan ŋmaa kaa libɔkpal aasub bubaa taab la. Busub ngbaan nan bi Rama aatiŋ ni Betel ki bi ŋigongon aatiŋ ki ye Efraim aanibol aatiŋ na aakaasisik ni la, le Israel aanib chaa u chee nima, ki ti toor baabɔr.

Bibɔjirb 6:14

Le Uwumbɔr tuk u ke, “Li joo saapɔɔn sakpiin cha ki ti gaa Israel yaab Midiann yaab chee lii. Min mbaa le tun si.”

Ruf Aagbaŋ 1:1

N‑yoonn mu jer aan Israel yaab aa nan kee kpa bibɔrb na, le nkon nan lir Israel yaab aatiŋ pu. Kina pu le uja u bi nan yin u ke Elimelek, aan u ye Efraf aamaal aanii, ki koo Betlehem aatiŋ ki bi Juda aatiŋ pu na, ni upuu Naomi, ni ujapɔtiib bilee bi bi yin bi ke Malonn ni Kilionn na, nan laa fii kun Moab aatiŋ ni.

1 Samuel 12:11

Le Uwumbɔr nan tun ni Gideonn, le ki ki tun Barak, ki di Jefta paan ni, le ki nan di mi gbiln puwɔb. Ti mɔmɔk gaal nimi, nimi aadim chee lir, le ni bi nsuudoon ni.

1 Samuel 14:48

U nan di ijakaan jan, hali ki ti nyaŋ Amalek aanib. U nan gaa Israel yaab lii, binib bimɔk nan tak bi na chee.