Bibɔjirb 2:12 - Uwumbɔr aagbaŋ

¹² Baa nan ki dooni Uwumbɔr u ye biyaajatiib Aadindaan ki nan nyan ni bi Ijipt aatiŋ ni na, le ki tee piin ki dooni binib bi koo gbɔk bi na aawaa. Bi nan gbaani ŋinimbiin ni, le ki fiin Uwumbɔr aaŋuul.

Bibɔjirb 2:12 ပူးပေါင်းရင်းမြစ်များ

Ilahn 106:36

le ki dooni ŋiwaa, le nimina kuln bi.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:16

Ti ŋani kina le ki teer, le ni naahn ke taah di tiwan nibaa le gbin tiŋaal, bee ti di tam tiyigbeer na; ni cha ti teer ke Uwumbɔr le di waapɔɔn sakpiin na nyan ni timi Ijipt aatiŋ ni.’”

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 20:5

Ni taa gbaan kitiŋ ke ni doon liwaal libaa; ba pu? min le ye Nidindaan Uwumbɔr, le maa ban m ni ubaa li kpaan yeh nimi. M ga daa binib bi nan mi na, ni biyaabitiib, ni bi mu aayaabitiib aatafal,

Jeremia 16:11

Le aa ga bui bi ke Uwumbɔr bui ke, ‘Niyaajatiib nan fenn bipuwɔb tii mi, le ki dooni ki tun tii ŋiwaa. Bi nan yii mi, kaa kii maamɔkm.

Ikaal 13:5

Tɔ, ubɔnabr ngbaan, bee unii u nyi tidaŋ aatataa na yaa bui nimi ke ni yii Uwumbɔr u nan nyan ni nimi Ijipt yaab aatiŋ ni, nin chee ni nan ye binaagbiib na kan, ni ku u. Unii ngbaan aaboln ye mbiindaan la, le ki pɔɔni ubaa ke u nyan nimi Uwumbɔr aasan mu u tuk nimi ke ni li dii mu na ni. Ni ku udaan ngbaan, nima kan, ni ga gaa nibaa titunwanbir chee lii.

Ikaal 29:18

Ni pɔɔn nibaa ki taa cha uja, bee upii, bee mmaal, bee linibol li si do din wee na fenn bipuwɔb tii Tidindaan Uwumbɔr ki dooni ŋinibol ngbaan aawaa. Ni yaa ŋa kina kan, ni ga li bi ke ulɔnn yaa punn idi ni kan, u ku i pu na la.

Ikaal 29:25

Le naatataa ga li ye ke, ‘Binib ngbaan bii tipuur ti Uwumbɔr u ye biyaajatiib Aawumbɔr na nan puu tii bi, buyoonn u nan nyan ni bi Ijipt ni na la.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Ikaal 33:17

Josef aapɔɔn bi le ke unaaja aapɔɔn na, ki pɔɔ ke upɔɔnaa aayiin na, Mubaa le ye Manase aataŋaal ni aanibol aachur na, le muken ye Efraim aataŋaal ni aanibol ŋichur kipiik. U ga di waapɔɔn ngbaan le nyaŋ ŋitimbol ŋi bi na, ki tur ŋi buen dandar.”

Ikaal 4:25

“Hali ni yaa bi kitiŋ ngbaan ni ki ti saa n‑yoonn mu na, ki ma mbim ni yaabitiib kan, ni taa tun titunwanbir ki naan liwaal, ki di naŋ tiwan nibaa. Kina aatun aa ŋan Uwumbɔr chee, le ki ga cha u gee liŋuul ni pu.

Ikaal 5:9

Ni taa gbaan kitiŋ ke ni doon liwaal libaa, ba pu? min le ye Nidindaan Uwumbɔr, le maa ban ke m ni ubaa li kpaan yeh nimi. M ga daa binib bi nan mi na, ni baabim, ni biyaabitiib, ni bi mu aayaabitiib aatafal.

Ikaal 6:12

ni li nyi ki taa suln Uwumbɔr u nyan nimi Ijipt yaab aaŋaal ni na, nin chee ni nan ye binaagbiib na, aabɔr.

Bibɔjirb 10:11

Uwumbɔr aah nan tii bi ngarm mu na sɔ: “Ijipt yaab, ni Amor yaab, ni Amonn yaab, ni Filistia yaab,

Bibɔjirb 5:8

Israel yaab nan ban ŋiwaa la, nima pu le butɔb dan kitiŋ ngbaan pu. Israel aajab ŋichur imonko ilee ngbaan ni, ulau nan joo kijaak aapeln, bee kikpaatuŋ?

Bibɔjirb 8:33

Gideonn aah kpo na, Israel aanib nan ki piin ki nya Uwumbɔr aapuwɔb ki dooni Baal aawaa. Bi nan di Baal Berif le ŋa baawaal,