Bibɔjirb 2:11 - Uwumbɔr aagbaŋ

¹¹ Le Israel aanib piin ki dooni ŋiwaa ŋi bi yin ŋi Baal na ki tun Uwumbɔr titunwanbir.

Bibɔjirb 2:11 ပူးပေါင်းရင်းမြစ်များ

Mpiin 13:13

Ntim ngbaan aanib nan ye titunwanbirdam la, le ki tun ni kaa ŋan na Uwumbɔr aanimbiin ni.

Mpiin 38:7

Le Er nan tun titunwanbir sakpen, le kaa piir Uwumbɔr aasui, nima pu na, Uwumbɔr nan ku u.

1 Bibɔrb 11:5

U nan dooni Saidonn aawaapii Astaate, ni Amonn yaab aawaal Molek li bir na.

1 Bibɔrb 18:18

Le Elaija gar u ke, “Maa ye ubɔbann ubaa. Sin ni aate le ye bibɔbam. Aa yii Uwumbɔr aamɔb, le ki dooni liwaal Baal.

1 Bibɔrb 22:53

U nan tun tii liwaal Baal le ki dooni li, ki fiin Israel yaab Aadindaan Uwumbɔr aaŋuul ke ute u nan puen u na aah nan ŋa pu na.

2 Bibɔrb Aabɔr 28:2

le ki dii Israel yaab aabɔrb aasan i kaa ŋan na. U nan di tikur naan naan liwaal Baal aanaŋ,

2 Bibɔrb Aabɔr 28:3

le ki seer nnyɔknii Hinom Aafataŋ ni. U nan kpaan di ujapɔtiib kɔr ki see mmii ni tii ŋiwaa, le ki tun titunwanbir ti binib bi Uwumbɔr nan jenn nyan bi baatiŋ ni buyoonn Israel yaab nan choo na aatun.

2 Bibɔrb Aabɔr 33:6

U nan di ujapɔtiib toor kitork ki di see mmii ni, Hinom Aafataŋ ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na, ni binib bi len bitekpiib chee tibɔr na chee. U nan tun Uwumbɔr titunwanbir sakpen le ki fiin waaŋuul.

Nehemia 9:26

Le saanib nan yii saamɔb, kaa kii tii si; bi nan fenn bipuwɔb tii saakaal, ki nan ku saabɔnabtiib bi nan sak bi ki bui bi ke bi gir ni aa chee na. N‑yoonn n‑yoonn bi nan seei si;

Ilahn 78:56

Le bi tee nyan Uwumbɔr u kaa kpa ŋeen aatɔ na aapuwɔb, ki tɔŋ u; baa nan joo waakaal;

Jeremia 11:10

Bi gir buen biyaajatiib bi nan yii maah bui bi ke bi tun pu na aatunwanbir ni la; bi nan dooni ŋiwaa la. Israel ni Juda yaab mɔmɔk bii tipuur ti m ni biyaajatiib nan puu tii tɔb na.

Jeremia 16:11

Le aa ga bui bi ke Uwumbɔr bui ke, ‘Niyaajatiib nan fenn bipuwɔb tii mi, le ki dooni ki tun tii ŋiwaa. Bi nan yii mi, kaa kii maamɔkm.

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 2:23

Ni ga ŋa kinye ki bui ke naa bii nibaa, ki len ke naa kee doon liwaal Baal? Lik naah nan tun titunwanbir ti kifataŋ ni na; lik naah tun pu na. Ni naahn timoor ni aalaakumii u ban u jon ki san yɔl yɔl,

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Jeremia 9:14

Bi tee yii le ki kpa tafalaaŋun ki dooni Baal aawaa ke biyaajatiib aah tuk bi pu na.

Nkahm 25:3

le ki dooni Peor yaab aawaal li bi yin li ke Baal na. Nima pu na, Uwumbɔr nan gee liŋuul bi pu,

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Ikaal 4:25

“Hali ni yaa bi kitiŋ ngbaan ni ki ti saa n‑yoonn mu na, ki ma mbim ni yaabitiib kan, ni taa tun titunwanbir ki naan liwaal, ki di naŋ tiwan nibaa. Kina aatun aa ŋan Uwumbɔr chee, le ki ga cha u gee liŋuul ni pu.

Bibɔjirb 10:10

Le Israel yaab ngbaan nan wii yin Uwumbɔr ki bui ke, “Timi Aawumbɔr, ti tun si titunwanbir, ti di si lii, le ki dooni Baal aawaa.”

Bibɔjirb 10:6

Israel aanib nan ki piin ki dooni ŋiwaa Baal, ni Astaate, le ki tun Uwumbɔr titunwanbir. Bi nan ki dooni Siria yaab, ni Saidonn yaab, ni Moab yaab, ni Amonn yaab, ni Filistia yaab aawaa mu. Bi nan suln Uwumbɔr bɔr, kaa ki dooni u.

Bibɔjirb 13:1

Israel yaab nan ki gir tun Uwumbɔr titunwanbir, le u cha Filistia yaab joo bi ki ti saa ŋibin imonko ilee.

Bibɔjirb 3:12

Israel aanib nan ki tun Uwumbɔr titunwanbir. Kina pu le Uwumbɔr nan cha Moab aatiŋ aabɔr Eglonn pɔɔk jer Israel aanib.

Bibɔjirb 3:7

Israel aanib suln Bidindaan Uwumbɔr bɔr; bi nan tun u titunwanbir le ki dooni liwaal Baal, ni liwaal Asera.

Bibɔjirb 4:1

Ehud aah nan kpo na, le Israel aanib ki tun Uwumbɔr titunwanbir.

Bibɔjirb 6:1

Israel aanib nan ki gir tun Uwumbɔr titunwanbir, kina pu le u nan cha Midiann aanib joo bi, ki ti saa ŋibin ŋilole.

Bibɔjirb 6:25

Kinyeek ngbaan le Uwumbɔr bui Gideonn ke, “Chuu aate aanaaja, ni unaaja uken u ye ŋibin ŋilole aanaaja na, ki ber aate aah maa kitork aabimbiln tii liwaal Baal na, ki gaa geei liwaapii Asera aanaŋ ki si gbɔk li na.

Bibɔjirb 8:33

Gideonn aah kpo na, Israel aanib nan ki piin ki nya Uwumbɔr aapuwɔb ki dooni Baal aawaa. Bi nan di Baal Berif le ŋa baawaal,

1 Samuel 12:10

Le bi wii ki yin Uwumbɔr ke u ter bi, ki bui ke, ‘Uwumbɔr, ti tun titunwanbir; ti fenn tipuwɔb tii si, ki dooni ŋiwaa ŋi bi yin ŋi ke Baal ni Astaate na. Gaa timi, timi aadim chee lii, aan ti li dooni si.’

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”

1 Samuel 7:4

Kina pu le Israel yaab nyan ŋiwaa Baal ni Astaate mae, le ki dooni Uwumbɔr baanja.