Bibɔjirb 2:10 - Uwumbɔr aagbaŋ

¹⁰ Josua aaŋeen aatɔtiib ngbaan mɔmɔk nan kpo doo, le binib bi nan paan ni bi pu na nan suln Uwumbɔr, ni waah nan tun pu tii Israel aanib na bɔr.

Bibɔjirb 2:10 ပူးပေါင်းရင်းမြစ်များ

Mpiin 15:15

Le sin Abram ga por pam, le ki nin kpo nsuudoon aakun, le bi sub si.

Mpiin 25:17

Ismael nan saa ŋibin nkub ni piitaa ni ŋilole le ki nin kpo.

Mpiin 49:33

N‑yoonn mu Jakob sur waabim baah ga ŋa pu aan ki doo na, le u gir doon waawandookaan pu, le ki kpo.

2 Samuel 7:12

Aa yaa nan kpo aan bi sub si aayaajatiib chee kan, le m ga ŋa aajapɔɔn ubaa ubɔr, ki cha waanaan li pɔɔ.

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Job Aagbaŋ 21:14

Bibiindam bui Uwumbɔr le ke u cha bi suuna; baa ban ke bi bee waah ban bi tun pu na.

Nnyam 1:6

Baah bi nima na, le Josef, ni ukpetiib, ni baamaal bi nan bi n‑yoonn ngbaan na, nan kpo doo,

Nnyam 1:8

Le ubɔrpɔɔn u kaa nan nyi Josef aabɔr na jin nnaan Ijipt aatiŋ ni.

Nnyam 5:2

Le ubɔr ngbaan baa bi ke, “Ŋma ye Uwumbɔr? U ye ŋma aan m pel waabɔr ki cha Israel yaab buen? Maa nyi Uwumbɔr. Maan cha Israel yaab nya buen.”

Aisaya 5:12

Nimi aajim ponn ni, ni gbaa tibar ni ichayakrtuun ki pee ŋiwul ki nyu ndaan, le kaa nyi Uwumbɔr aah ŋani pu na.

Jeremia 22:16

U nan jin bigiim aabɔr ibamɔn pu, le waawan mɔmɔk nan kpa nsan. Kina le mɔk ke unii sil nyi Uwumbɔr.

Jeremia 31:34

Bi ponn ni ubaa aan ki mɔk uŋeen aatɔ ke u bee Uwumbɔr, ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi. M ga di baatunwanbir cha pinn bi, kaan ki teer baataani. Min Uwumbɔr le len kina.”

Jeremia 9:2

M yaa ba kan nkakaayaan nteersakpiin ni kan, m ba ga fii buen nima ki cha maanib. Baa dii Uwumbɔr, bi mɔmɔk nyan upuwɔb la.

Jeremia 9:3

Bi gee ke bi li geei inyamɔn n‑yoonn mɔmɔk la; le beebee aatuln ŋmeen bi kitiŋ ngbaan pu. Uwumbɔr bui ke, “Maanib yaa tun titunwanbir tibaa kan, le bi di tiken kpee, kaa nyi mi ke min le ye Baawumbɔr.”

Jeremia 9:5

Bi ŋmanni bijɔtiib la, le ubaa aa len ibamɔn, bi mɔk bilambil inyamɔn aageei pu, kaan di cha titunwanbir aatuln. Bi yaa ti tun titunwanbir tibaa kan, le bi di tiken kpee ni, le tibɔŋmannkaan tibaa paa tiken pu. Uwumbɔr bui ke waanib yii u.

Nkahm 27:13

Aa yaa kan ki doo kan, nee aapuwɔb aa ga kpo ke aakpel Aaronn aah nan kpo pu na;

Tibɔnyaan ti Luk ŋmee ti na 20:32

Kookoo yoo le upii ngbaan mu kpo.

Lituln 13:36

Ubɔr David aah nan bi na, u nan tun Uwumbɔr aatuln, le ki ti kpo. Le bi sub u uyaajatiib chee, le u bur.

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

2 Tesalonika 1:8

ki li joo ni mmiigaal u nan daa binib aatafal. Binib bi yii Uwumbɔr na, ni binib bi kaa kii Tidindaan Yesu aabɔnyaan tee na, u ga daa bima le aatafal.

Taitus 1:16

Bi len ke bi nyi Uwumbɔr, le baah tun pu na mɔk ke baa nyi u. Uwumbɔr aa gee baah ŋani pu na. Baa kii waamɔb, kaa ŋmaa tun litunyaan libaa.

Josua 24:31

Josua aah nan bi limɔfal ni, ki ti saa buyoonn u kpo na, Israel yaab nan dii Uwumbɔr mbamɔm, le waah kpo na, bi nan beenin dii u mbamɔm, ki ti saa buyoonn baaninkpiib bi nan kan Uwumbɔr aah nan ŋa lijinjiir aawan pu na, mu nan kpoi.

1 Samuel 2:12

Eli aajapɔtiib nan ye bibiindam la. Bitafal aa nan bi Uwumbɔr ni,