Bibɔjirb 19:9 - Uwumbɔr aagbaŋ

⁹ Uja ngbaan, ni upuu ni waanaagbiija aah nan ki fii ke bi buen na, upiibo aate nan ki bui ke, “Lik, ni kpaan mue le na, ni ga ŋmaa doon. Ni ga mue dandana. Doon do man aan ki ji naah gee pu na. Ni ga fe ŋmaa pue ki kal nimi aasan pu ki kun.”

Bibɔjirb 19:9 ပူးပေါင်းရင်းမြစ်များ

2 Samuel 13:28

Le u sak waatutum ke, “Li lik Amnonn man, le u yaa ti nyun ndaan gbii, aan m tii nimi nsan kan, ni ku u. Ni taa san ijawaan. Ni ga li ye maabɔr la. Ni chuu nibaa ki taa joo beeni.”

Ŋiyataŋak 27:1

Taa li kpa kipupuk fen u ga woln na pu, saa nyi ni ga ŋa dandana wee ni n‑yoonn ngbaan aakaasisik ni na.

Tibɔnyaan ti Luk ŋmee ti na 24:29

Le bi gaŋ u, “Doon ti chee. Kijook joor a. Naan yunn le ni ga mue.” Le u koo ni bi chee.

Bibɔjirb 19:10

Uja ngbaan aa nan ki ban bi doon nima, kina pu le u ni upuu fii kal baasan pu, le waanaagbiija, ni ibon ilee i tu ŋitun na dii bi. Ni nan ti bi joor le bi peen Jebus aatiŋ, Jerusalem aatiŋ le na, le unaagbiija ngbaan bui waaninkpel ke, “Ba ŋa naa cha ti doon Jebus yaab aatiŋ kee ni?”

Bibɔjirb 19:6

Kina pu na, bijab bilee ngbaan nan kpaan kal ki jin tijikaar ki nyun tiwanyukaan mu. Upiibo ngbaan aate nan ki bui u ke, “Ŋaanii ki doon do aan ki kan nibaa man.”

Bibɔjirb 19:8

Winŋmu daal aachakpinaanyeek ni le u nan ban u fii, le upiibo ngbaan aate ki bui ke, “Ŋaanii ki ji tijikaar. Ni ga nan ŋmaa buen nwiin pu.” Kina pu na, bijab bilee ngbaan nan ki kpaan kal ki ji.

Ruf Aagbaŋ 3:7

Boas aah nan jin ki nyun doo na, le usui piir. Le u buen lidikpukl libaa pu ki ti doon ke u geen. Ruf nan loon suuna, ki ti fiir waakekeln le ki doon gbaŋ u, utaa chee.