Bibɔjirb 19:7 - Uwumbɔr aagbaŋ

⁷ Liifai aaja ngbaan nan fii ke bi li cha, le uchool ngbaan gaŋ u ke bi doon, kina pu na, u nan ki gir doon nima.

Bibɔjirb 19:7 ပူးပေါင်းရင်းမြစ်များ

2 Samuel 13:25

Le ubɔr bui ke, “Maabo, taan ŋmaa dan. Ti yaa dan kan, ni ga nan li ye si limukl la.” Absalom aa nan kii, le ubɔr mu aa kii tii u, le ki len tinyoor aaliin ki ŋa u pu.

Bibɔjirb 19:6

Kina pu na, bijab bilee ngbaan nan kpaan kal ki jin tijikaar ki nyun tiwanyukaan mu. Upiibo ngbaan aate nan ki bui u ke, “Ŋaanii ki doon do aan ki kan nibaa man.”

Bibɔjirb 19:8

Winŋmu daal aachakpinaanyeek ni le u nan ban u fii, le upiibo ngbaan aate ki bui ke, “Ŋaanii ki ji tijikaar. Ni ga nan ŋmaa buen nwiin pu.” Kina pu na, bijab bilee ngbaan nan ki kpaan kal ki ji.