Bibɔjirb 19:22 - Uwumbɔr aagbaŋ

²² Bi nan bi ji ki mɔɔni, le bininsum bibaa nyan ni kitiŋ ni ki nan kpaan gob lidichal ngbaan ti ton ki gbaa jaaleŋ. Bi nan bui ujaninkpel ngbaan ke, “Nyan ni uja u ba dii si kun ni na. Ti ban ti doon u chee la.”

Bibɔjirb 19:22 ပူးပေါင်းရင်းမြစ်များ

1 Bibɔrb 21:10

ki ban bibiindam bibaa aan bi nan len unimbil ni ke u puun lii Uwumbɔr ni ubɔr mɔmɔk pu. Ni yaa ŋa kina kan, ni di u nya kitiŋ ngbaan ni, ki ti yur ŋitakpal ku u.”

Esekiel 16:46

“Aakpel upol le ye Samaria aatiŋ ki ni kaatimbim bi ŋŋangan wɔb na. Aanaal le ye Sodom aatiŋ ki ni kaatimbim bi ŋŋangii wɔb na.

Hosea 10:9

Uwumbɔr bui ke, “Israel yaab aah nan tun mi titunwanbir Gibea aatiŋ ni buyoonn na, baa kee di cha. Kina pu le butɔb ga pii bi Gibea aatiŋ ni.

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

2 Korenti 6:15

Kristo ni kinimbɔŋ ga li ŋmaa kpaan kimɔbaan aa? Unii u dii Yesu aasan na, ni unii u kaa dii na aabimbin kpaan aa?

Ikaal 13:13

nibaakan ni ga ŋun ke titunwanbirdam bi ye nido yaab na mu ŋmann binaabitiib kitiŋ ki ponn ni bi bi na, le ki cha bi dooni ŋiwaa, ŋiwaa ŋi naa kee doon ŋi na,

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Bibɔjirb 20:5

Gibea aatiŋ ni aajab nan nyan ni ke bi nan tak mi, le ki gob lidichal li ponn ni ti bi na kinyeek. Baalandak le nan ye ke bi ku mi; tɔ, bi nan ki yii kina le ki tee chuu mpuu mpɔɔn ki doon u chee le u ti kpo.

Bibɔjirb 20:6

Le m gii waawon, ki di linankpiln libaabaa tun tii Israel aanibol kipiik ni ŋilee na. Binib ngbaan tun titunwanbir ni kininsuŋ aatuln tikaasisik ni la.

1 Samuel 1:16

Taa dak ke m ye piifam ubaa la. Nsui le bii sakpen, le m bi mee kina pu.”

1 Samuel 10:27

Le nifam bibaa bui ke, “Umina ga ŋmaa ŋa ba tii timi?” Bi nan lik seen Sɔɔl, le kaa tii ni u ipiin ibaa. Le Sɔɔl aa len tibaa.

1 Samuel 2:12

Eli aajapɔtiib nan ye bibiindam la. Bitafal aa nan bi Uwumbɔr ni,

1 Samuel 25:25

M gaŋ si, taa pel maabitibaani daan Nabal ngbaan. U sil ye waayimbil aatataa aah ye pu na la, ke ujɔr. Maaninkpel, maa ba bi nima le saanaagbiib dan.