Bibɔjirb 19:1 - Uwumbɔr aagbaŋ

¹ N‑yoonn ngbaan Israel yaab aa nan kee kpa ubɔr, le Liifai aanii ubaa nan bi Efraim aagongon aatiŋ ni, dandar. U nan bɔnn upiibo ubaa Betlehem aatiŋ ki bi Juda aatiŋ ni na ki di u kunn udo.

Bibɔjirb 19:1 ပူးပေါင်းရင်းမြစ်များ

Mpiin 22:24

Reuma, u nan ye Nahor aapuu uken na mu le nan ma Teba, ni Gaham, ni Tahas, ni Maaka.

Mpiin 25:6

Waah nan laa beenin fu na, u nan ki di ngem mu tii upuutiib biken aah nan ma mbim mu tii u na mu. U nan yakr ujapɔtiib ngbaan di buen liwipuul wɔb aatiŋ kibaa ni, ki cha ujapɔɔn Aisak.

Mpiin 35:19

Rachel aah nan kpo na, bi nan di u sub gbaŋ Efraf aasan chee, dandana bi yin nima chee ke Betlehem.

2 Samuel 16:22

Kina pu le bi ŋa likekeln aabool, libɔrdichal aapaacham tii Absalom, le Absalom koo li ni ki ti doon ute aapuutiib waatiir ngbaan chee, binib mɔmɔk aanimbil ni.

2 Samuel 19:5

Joab nan buen ubɔr aadiik ni, le ki ti bui u ke, “Saajab bi gaa saamɔfal, ni aajapɔtiib, ni aabisatiib, ni aapuutiib, ni aapuutiib waatiir aamɔfal lii na, le aa jinn bi inimɔɔn din wee.

2 Samuel 20:3

David aah ti fuu waadichal ni, Jerusalem aatiŋ ni na, le u cha binib kii upuutiib waatiir kipiik bi u nan cha bi gaar puwɔb ke bi li kii libɔrdichal ngbaan na. U nan kpiini ki lik bi pu, ki mu aa nan ki doo bi chee. Baa nan ki nya lipaal, ki bi ke bikpopiib na la, ki ti saa baakun daal.

2 Samuel 3:7

Daalbaadaal le Sɔɔl aajapɔɔn Isbosef nan galn Abner, ke u doon Sɔɔl aapuu Rispa u ye Aya aabisal na chee.

2 Samuel 5:13

David aah nyan Hebronn ki kun Jerusalem na, le u moo yoor puutiib ni puutiib waatiir kpee, le ki moo kan mbijabim ni mpiibim.

1 Bibɔrb 11:3

Solomonn nan yoor bibɔrb aabisatiib ikui ilole la, le ki kpa puutiib waatiir mu ikui itaa. Bi nan cha u fenn upuwɔb tii Uwumbɔr,

1 Bibɔrb 4:8

Bininkpiib kipiik ni bilee ngbaan, ni baah yeh ŋipepel ŋi na aayimbil sɔ: Ben‑Hur le nan yeh Efraim aagongon aatiŋ.

2 Bibɔrb Aabɔr 11:21

Rehoboam aapuutiib nan ti kpaan kipiik ni biniin la, le u kpa puutiib waatiir mu imonko itaa. Ujapɔtiib nan ye moninko ni biniin la, le ubisatiib mu ye imonko itaa. Upuutiib mɔmɔk ponn ni u nan gee Maaka le jer bi mɔmɔk,

Esta 2:14

Usapɔɔn ngbaan ga buen nima kijook la, le kitaak yaa woln kan, bi nyan u buen lipiichiln liken ni, u ti li bi Sasgas, u ye uja u bi kpaa u aan u lik ubɔr aapuutiib na aaŋaal ni. Uma aan ki buen ubɔr chee see ubɔr gee u sakpen aan ki tun yin u waayimbil aah ye pu na ke u dan u chee.

Daniel 5:3

Libuul ngbaan ni le bi nan joo ni salmaa aayikur, ni ŋisambil ngbaan, le bi mɔmɔk nan nyun ndaan ni ponn ni,

Malakai 2:15

Uwumbɔr nan di aa ni aapuu aawon ni kifuurk kpaan ŋa kibaa la. Ba nan cha u ŋa kina? Ni nan ye le ke ni kan mbim mu ye Uwumbɔr aanib na. Kina pu na, li nyi man, ubaa taa bii u ni upuu aah puu tipuur ti tii tɔb na.

Matiu 2:6

‘Sin Betlehem aatiŋ, ki bi Judea aatiŋ ni na, saa ye kitiwaatiir Judea aatim ponn ni; ba pu? uyidaan ga nyan aa ponn ni, ki ga li ye Uwumbɔr aanib Israel yaab aayidaan.’”

Josua 24:30

Bi nan di u sub udo aatiŋ ki bi ŋigongon aatiŋ ni, aan bi yin ki ke Timnaf Sera na ni la. Kitiŋ ngbaan nan bi Efraim aatiŋ ni, Gaas Aajool aaŋangan wɔb la.

Josua 24:33

Aaronn aajapɔɔn u bi nan yin u ke Eleasar na mu nan kpo, le bi nan di u sub Gibea aatiŋ ki bi nan di ki tii ujapɔɔn Fineas, aan ki bi ŋigongon ni, Efraim yaab aapepel ni na.

Bibɔjirb 12:8

Jefta aakun aapuwɔb, le Ibsann u ye Betlehem aatiŋ aanii na joo Israel yaab.

Bibɔjirb 17:1

Uja ubaa nan bi, ki nan koo Efraim aatiŋ ki ye ŋigongon aatiŋ na ni, le bi yin u ke Maika.

Bibɔjirb 17:6

Ubɔr aa nan kee bi Israel aatiŋ pu n‑yoonn ngbaan; unii mɔmɔk nan ŋani waageehn la.

Bibɔjirb 17:7

N‑yoonn baan ngbaan Liifai aanachipɔɔn ubaa nan bi Betlehem, kitiŋ ki bi Juda aanibol aatiŋ ni na ni.

Bibɔjirb 17:8

U nan fii Betlehem ke u ki ban nibaa chee ki kal. Waah nan bi chuun na, le u ti fuu Maika do, Efraim aagongon aatiŋ ni.

Bibɔjirb 18:1

Israel aatiŋ aa nan kpa ubɔr n‑yoonn ngbaan. N‑yoonn ngbaan, Dann aanibol aa nan kee kan baatiŋ Israel yaab biken chee, le ki chuun ban kitiŋ ke bi kal.

Bibɔjirb 18:13

Bi nan nyan nima chee le ki di buen Maika do, Efraim aagongon aatiŋ ni.

Bibɔjirb 19:16

Baah nan ka nima na, le ujaninkpel ubaa nan nyan ni waasaak kijook wɔb. U nan puen bi Efraim aagongon aatiŋ ni la, le ki nan gur koo Gibea aatiŋ ni. Kitiŋ ngbaan ni aanib bi gur na nan ye Benjaminn aanibol yaab la.

Bibɔjirb 19:2

Tɔ, daalbaadaal, u nan gee u pu liŋuul ki gir kun ute do Betlehem aatiŋ ni, ki ti bi nima ki ti saa iŋmal inaa.

Bibɔjirb 21:25

Israel aatiŋ aa nan kpa ubɔr n‑yoonn ngbaan. Unii mɔmɔk nan ŋani waageehn la.

Bibɔjirb 3:27

Waah nan ti fuu ŋigongon aatiŋ ki ye Efraim aanibol aatiŋ ni na, le u pii ukpiin ke Israel aajab nya buen butɔb, le ki di bi sunn ŋigongon ngbaan.