Bibɔjirb 18:9 - Uwumbɔr aagbaŋ

⁹ Bi nan gar bi ke, “Fii man, cha ti ti tak Lais aatiŋ aanib man. Ti kan baatiŋ; ki ŋan sakpen a. Taa ka fam man. Ŋa mala man. Fii ki ti gaa ki man.

Bibɔjirb 18:9 ပူးပေါင်းရင်းမြစ်များ

2 Samuel 10:12

Li kpa lipobil. Cha ti li pɔɔ ki jan tii timi aanib ni Uwumbɔr aatim pu. Cha Uwumbɔr aageehn ŋa.”

1 Bibɔrb 22:23

Mikaya nan ki len ke: “Naah ŋa pu na le bi na. Uwumbɔr le cha bibɔnabr bimina mɔnn si inyamɔn. Uma ubaa le siin ke aa ga ti kan tibɔbir.”

1 Bibɔrb 22:3

Ahab nan baa waaninkpiib ke, “Ba ŋa taa pɔɔn tibaa ke ti gaa Ramof aatiŋ ki bi Gilead aatiŋ pu na Siria aabɔr chee? Ki ye timi aatiŋ la.”

Nkahm 13:30

Kaleb nan bui binib bi nan bi len Moses chee tibɔr ti kaa ŋan na ke bi ŋmin chii, le ki bui bi ke, “Cha ti buen ti tak kitiŋ ngbaan yaab ki gaa ki, ti kpa mpɔɔn ki ŋeer ti nyaŋ bi ki gaa kitiŋ ngbaan.”

Jɔnn 6:27

Ni taa cha ninimbil li man tijikaar ti ga bii na pu. Ninimbil li man tijikaar ti ga tii nimi limɔfal li kaa kpa ndoon na pu. Min Unibɔn Aabo le ga tii nimi tijikaar ngbaan; ba pu? min Unibɔn Aabo le Nte Uwumbɔr mɔk ke m ye Waanii.”

Josua 18:3

Nima pu na, Josua nan bui Israel aanib ngbaan ke, “N‑yoonn mulamu aan ni ka kii ke ni buen ti yakr kitiŋ ki Uwumbɔr, u ye niyaajatiib Aawumbɔr na, di tii nimi na?

Bibɔjirb 18:10

Ni yaa ti fuu nima chee kan, ni ga kan ke binib ngbaan aa dak nibaa pu. Ki ye kitisakpeŋ la; ki kpa unii aah ga ban tiwan ni mɔmɔk na. Uwumbɔr di ki tii nimi a.”

Bibɔjirb 18:8

Bijab biŋmu ngbaan aah nan gir kun Sora ni Estaol aatim ni na, bido yaab nan baa bi baah kan pu na.

1 Samuel 4:9

Filistia yaab, moo boon man. Boon man ke bijab na, naa ye kina kan, ti ga kpaln Hiibru yaab aanaagbiib, ke baah nan ye timi aanaagbiib pu na. Kina pu na, boon man ke bijab na.”