Bibɔjirb 18:29 - Uwumbɔr aagbaŋ

²⁹ Bi nan kpeln kaayimbil Lais, ki gur joo biyaaja Dann u nan ye Jakob aajapɔɔn na aayimbil le yin ki.

Bibɔjirb 18:29 ပူးပေါင်းရင်းမြစ်များ

Mpiin 14:14

N‑yoonn mu Abram nan ŋun ke bi chuu unaal aajapɔɔn Lot na, le u yin waanib bi to butɔb, ki ye binib ikui itaa ni kipiik ni biniin na, le bi mɔmɔk nan san dii bibɔrb binaa ngbaan, ki ti saa Dann aatiŋ ni.

Mpiin 30:6

Rachel nan bui ke, “Uwumbɔr le toor maabɔr tii mi. Uma le ŋun maameel le ki tii mi ubijabo.” Nima pu na, u nan yin u ke Dann.

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

2 Samuel 17:11

Maasurm le ye ke aa kuun ni Israel aanib mɔmɔk Israel aatiŋ kee pu nan kpaan. Bi li wiir ke litambol li bi nnyusakpem aagbaan na, le sin aabaa di bi buen butɔb.

1 Bibɔrb 15:20

Ben‑Hadad nan kii Asa aalandak ngbaan, le ki cha waajab aaninkpiib ni baajab buen ti tak Israel yaab aatim. Bi nan nyaŋ Ijonn, ni Dann, ni Abel Bef Maaka aatim, ni lipepel li bi Galilee Aanyusakpem chee na, ni Naftali aapepel mɔmɔk.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Ikaal 34:1

Moses nan nyan Moab aateer ni, le ki buen Nebo Aajool wɔb, ki ti jon Pisga Aajool li bi Jeriko aawipuul wɔb na. Lijool ngbaan paab, le Uwumbɔr nan mɔk u kitiŋ ngbaan mɔmɔk; u nan mɔk u Gilead aapepel mɔmɔk, ki yoor kina ki ti ker Dann aatiŋ, ŋŋangan wɔb,

Josua 19:47

N‑yoonn mu Dann aanibol nan kɔŋ baatiŋ na, le bi nan buen ti lir Lais yaab aatiŋ pu, ki ton bi butɔb, le ki nyaŋ bi, ki ku bi mɔmɔk, ki gaa kitiŋ ngbaan di ŋa baatiŋ. Bi nan kal nima, ki kpeln kitiŋ ngbaan aayimbil, ki di biyaaja Dann aayimbil yin ki.

Bibɔjirb 18:7

Bijab biŋmu ngbaan nan nyan nima chee le ki buen Lais aatiŋ ni, ki nan kan binib ngbaan aah bi nsuudoon ni pu na. Bi nan bi nsuudoon ni ke Saidonn yaab na la. Bi nan ye nsuudoon aanib bi bi suuna na la, kaa kpa unii ubaa chee kijaak; bi nan kpa baah ban tiwan ni mɔmɔk na. Baah nan koo nin chee na nan daa Saidonn yaab sakpen, le bi ni binib biken aa kpa limaantɔl libaa.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.