Bibɔjirb 18:27 - Uwumbɔr aagbaŋ

^27-28 Dann aanibol aajab ngbaan nan yoor Maika aah nan naan tiwan ni na, ni waatotoor na, le ki buen ti tak Lais aatiŋ ki ye nsuudoon aatiŋ, aan kaanib ŋmin suuna ki mu bi Bef Rehob aafataŋ ni na. Bi nan ku kaanib, le ki see ki lii. Lais aatiŋ nan daa Saidonn aatiŋ, le kaanib ni bibaa aa nan kpa limaantɔl, kina pu na, ubaa aa nan bi ki gaa bi lii. Dann aanib aajab nan gir maa kitiŋ ngbaan le ki kal nima.

Bibɔjirb 18:27 ပူးပေါင်းရင်းမြစ်များ

Mpiin 49:16

Sin Dann, sin le ga li lik saamaal aanib ke Israel yaab aamaal biken aah ŋani pu na.

Ikaal 33:22

U nan ŋa tinyoor ŋa Dann aanibol pu le ki bui ke, “Dann bi le ke uchinn u laa diin ki yuk nyan ni Basann aatiŋ ni na.”

Josua 11:11

Josua ni waajab nan ku Hasor aatiŋ ni aanib mɔmɔk, unii kina aa nan gur ki ŋmar; le bi nan see kitiŋ ngbaan mmii.

Josua 19:47

N‑yoonn mu Dann aanibol nan kɔŋ baatiŋ na, le bi nan buen ti lir Lais yaab aatiŋ pu, ki ton bi butɔb, le ki nyaŋ bi, ki ku bi mɔmɔk, ki gaa kitiŋ ngbaan di ŋa baatiŋ. Bi nan kal nima, ki kpeln kitiŋ ngbaan aayimbil, ki di biyaaja Dann aayimbil yin ki.

Bibɔjirb 18:10

Ni yaa ti fuu nima chee kan, ni ga kan ke binib ngbaan aa dak nibaa pu. Ki ye kitisakpeŋ la; ki kpa unii aah ga ban tiwan ni mɔmɔk na. Uwumbɔr di ki tii nimi a.”

Bibɔjirb 18:26

le ki siir cha. Maika nan kan ke baapɔɔn jer uyaan, le u fenn ki gir kun.

Bibɔjirb 18:7

Bijab biŋmu ngbaan nan nyan nima chee le ki buen Lais aatiŋ ni, ki nan kan binib ngbaan aah bi nsuudoon ni pu na. Bi nan bi nsuudoon ni ke Saidonn yaab na la. Bi nan ye nsuudoon aanib bi bi suuna na la, kaa kpa unii ubaa chee kijaak; bi nan kpa baah ban tiwan ni mɔmɔk na. Baah nan koo nin chee na nan daa Saidonn yaab sakpen, le bi ni binib biken aa kpa limaantɔl libaa.

Bibɔjirb 8:11

Gideonn nan di dii nsan mu bi Noba ni Jogbeha aatim aawipuul wɔb ki kpak nteersakpiin na, le ki tak bijab ngbaan, le baa nyi u bɔr.