Bibɔjirb 18:2 - Uwumbɔr aagbaŋ

² Kina pu le Dann aanibol aanib nan nyan bijakaab biŋmu ŋidichal ŋi mɔmɔk bi linibol ngbaan ni na, le ki tun bi nyan Sora ni Estaol aatim ni, ke bi chuun ki lik kitiŋ ngbaan. Baah nan fuu ni Efraim aagongon aatiŋ pu na, bi nan koo Maika aadichal ni la.

Bibɔjirb 18:2 ပူးပေါင်းရင်းမြစ်များ

Mpiin 42:9

U nan teer waah nan daŋ tidaŋ ti na aabɔr, le ki bui bi ke, “Ni ye bipepekb la; ni dan ke ni nan lik timi aatiŋ aah kaa kpa mpɔɔn nin chee na la.”

Ŋiyataŋak 20:18

Kan nsurm mu ŋan na ki kan linyaŋ; taa di bil bil ti koo butɔb ni kaa ŋa bu aalandak waahr.

Nkahm 13:17

N‑yoonn mu Moses nan tun bi ke bi ti pekr Kanaann aatiŋ ki mann ni mɔmɔk na, u nan bui bi ke, “Piin ŋŋangan wɔb do man ki ti nya Kanaann aatiŋ aaŋangii wɔb aapepel, ki nyan nima ki buen ŋigongon aatiŋ ni.

Tibɔnyaan ti Luk ŋmee ti na 14:31

“Tɔ, ubɔr u kpa butɔb aajab ŋichur kipiik na yaa ban u buen ti to ubɔr u kpa butɔb aajab ŋichur moninko na butɔb kan, u ga puen dakl lik ke u ga ŋman aan waan ŋman.

Josua 15:33

Ntim mu nan bi ŋigongon aataab na le nan ye Estaol, ni Sora, ni Asna,

Josua 19:41

Ntim mu nan bi baatiŋ ponn ni na le nan ye Sora, ni Estaol, ni Ir Semes,

Josua 2:1

Baah nan bi Sitim aatiŋ ni na, le Josua tun bipepekr bilee, ke bi buen Kanaann aatiŋ ni, ki loon lik ke Jeriko aatisakpeŋ aanib bi kinye. N‑yoonn mu bi ti fuu kitisakpeŋ ngbaan ni na, le bi buen pateer u bi nan yin u ke Rahab na do.

Josua 2:2

Le Jeriko aabɔr ŋun ke Israel yaab bibaa koo ni waatiŋ ponn ni kinyeek ngbaan ke bi pekr ki,

Bibɔjirb 13:2

N‑yoonn ngbaan le Sora aatiŋ ni aaja ubaa nan bi, le bi yin u ke Manoa. U nan ye Dann aanibol ni aanii la. Upuu aa nan ŋmaa maa ubo.

Bibɔjirb 13:25

Le waah nan bi Dann aajab aakakaa ni, Sora ni Estaol aatim aakaasisik ni na, Uwumbɔr Aafuur Nyaan piin ki tii u mpɔɔn.

Bibɔjirb 16:31

Ute aabim, ni udo yaab mɔmɔk nan dan ke bi nan yoor u. Bi nan yoor u giin kun ki ti sub u ute Manoa aakaakul ni, Sora ni Estaol aatim aasisik ni. U nan ye Israel yaab aasaloln ki ti saa ŋibin moninko la.

Bibɔjirb 17:1

Uja ubaa nan bi, ki nan koo Efraim aatiŋ ki ye ŋigongon aatiŋ na ni, le bi yin u ke Maika.

Bibɔjirb 18:11

Kina pu le Dann aanibol aajab ikui iloob nan nyan Sora ni Estaol ki gor bibaa ki cha butɔb.

Bibɔjirb 18:13

Bi nan nyan nima chee le ki di buen Maika do, Efraim aagongon aatiŋ ni.

Bibɔjirb 18:3

Baah nan bi nima chee na, le bi bee Liifai aanachipɔɔn na aaliin, le ki buen u chee ki ti baa u ke, “Aa ŋani ba do? Ŋma joo ni si do?”

Bibɔjirb 18:8

Bijab biŋmu ngbaan aah nan gir kun Sora ni Estaol aatim ni na, bido yaab nan baa bi baah kan pu na.

Bibɔjirb 19:1

N‑yoonn ngbaan Israel yaab aa nan kee kpa ubɔr, le Liifai aanii ubaa nan bi Efraim aagongon aatiŋ ni, dandar. U nan bɔnn upiibo ubaa Betlehem aatiŋ ki bi Juda aatiŋ ni na ki di u kunn udo.

Bibɔjirb 19:18

Liifai aaja ngbaan nan gar u ke, “Ti buen Betlehem aatiŋ ki bi Juda aatiŋ pu na, le ki gir chaa kun tido Efraim aagongon aatiŋ ni. Taa kpa unii u ga bil timi udo kinyeek kee na.