Bibɔjirb 18:14 - Uwumbɔr aagbaŋ

¹⁴ Nima le bijab biŋmu bi nan chuun lik kitiŋ ki mann goln Lais aatiŋ na bui biŋeen aatɔtiib ke, “Ni ba nyi ke liwaal bi lidichal libaa ponn ni do aan bi di tikunabr boon li ii? Ŋiwaa ŋiken ni utotoor aabɔkugeŋ mu bi. Ni dak ke ti ga ŋa kinye?”

Bibɔjirb 18:14 ပူးပေါင်းရင်းမြစ်များ

Job Aagbaŋ 3:2

Uwumbɔr, puun lii nwiin mundaal bi nan ma mi na, puun lii kinyeek ki bi nan dik maapuul na pu.

Ŋiyataŋak 19:27

Maabo, aa yaa di cha tiwan aabaem kan, aa ga kpaan suln saah puun nyi tiwan ni na.

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Bibɔjirb 17:5

Maika ngbaan nan gur kpa kiwaadiik la. U nan ŋa ŋiwaa ŋibaa, ni utotoor aabɔkugeŋ le ki di ujapɔɔn ubaa ŋa waatotoor.

Bibɔjirb 18:13

Bi nan nyan nima chee le ki di buen Maika do, Efraim aagongon aatiŋ ni.

Bibɔjirb 18:15

Bi nan koo Maika aadichal ni, nin chee Liifai aanachipɔɔn na koo na, le ki baa Liifai aanii ngbaan naah bi pu na.

Bibɔjirb 8:27

Gideonn nan di salmaa ngbaan naan liwaal, le ki di li siin udo aatiŋ Ofra ni. Israel yaab mɔmɔk nan yii Uwumbɔr, le ki chaa ti dooni liwaal ngbaan. Nimina nan ye gaawɔb le ki tii Gideonn aadichal.

1 Samuel 14:28

Le uja ubaa bui u ke, “Nkon le cha ti mɔmɔk aawon yɔl, le aate sak timi ki len ke, ‘Tibɔbir bi unii umɔk jin tijikaar tibaa din wee na.’”

1 Samuel 19:13

Le Mikal yoor baadichal ni aawaal ki di paan tiwandookaan pu, ki di liyikukur li bi di uŋoob aagban ŋal li na kur liyil, ki di likekeln biin li pu.