Bibɔjirb 18:12 - Uwumbɔr aagbaŋ

¹² Bi nan buen le ki ti kuun kal Kiriaf Jearim aatiŋ ki bi Juda aatiŋ pu na aawilir wɔb. Nima pu le bi beenin yin nima chee ke Dann Aakakaa chee.

Bibɔjirb 18:12 ပူးပေါင်းရင်းမြစ်များ

2 Bibɔrb Aabɔr 1:4

Tɔ, Uwumbɔr Aakaal Aadakaa ma nan bi Jerusalem ponn ni, libool li ni Ubɔr David nan ti yoor ni Dakaa ngbaan Kiriaf Jearim ki nan di siin na ponn ni.

Josua 15:60

Ntim mu nan ki bi na le nan ye Kiriaf Baal ki bi ki yin ki ke Kiriaf Jearim na, ni Raba aatim: mu nan ti saa ntim mulee la, le ki kpee itingbaan i bi gbɔk mu na.

Josua 15:9

ki nyan nima chee, ki dii kina buen Neftoa Aanyunbun chee, le ki ti ker ntim mu bi Efronn Aajool chee na. Nima chee le ki fenn kpaa Baala aatiŋ ni; bi ki yin ki ke Kiriaf Jearim aatiŋ.

Josua 9:17

Nima pu le Israel yaab nan fii ki cha binib ngbaan aatiŋ ni, le iwiin itaa daal bi fuu binib ngbaan aah bi nin chee na. Bi yin baatim ngbaan ke Gibeonn, ni Kefira, ni Beerof, ni Kiriaf Jearim.

Bibɔjirb 13:25

Le waah nan bi Dann aajab aakakaa ni, Sora ni Estaol aatim aakaasisik ni na, Uwumbɔr Aafuur Nyaan piin ki tii u mpɔɔn.

Bibɔjirb 18:11

Kina pu le Dann aanibol aajab ikui iloob nan nyan Sora ni Estaol ki gor bibaa ki cha butɔb.

Bibɔjirb 18:13

Bi nan nyan nima chee le ki di buen Maika do, Efraim aagongon aatiŋ ni.

1 Samuel 6:21

Le bi tun binib Kiriaf Jearim aanib chee ke bi ti len ke, “Filistia yaab di Uwumbɔr Aakaal Aadakaa giin ni. Dan ki nan yoor u man.”

1 Samuel 7:1

Le Kiriaf Jearim aajab buen ti yoor Uwumbɔr Aakaal Aadakaa ki di buen uja ubaa u bi yin u ke Abinadab na aadichal, ligongoln paab, ki nan nyan ujapɔɔn u bi yin u ke Eleasar na ke u li lik dakaa ngbaan.