Bibɔjirb 18:10 - Uwumbɔr aagbaŋ

¹⁰ Ni yaa ti fuu nima chee kan, ni ga kan ke binib ngbaan aa dak nibaa pu. Ki ye kitisakpeŋ la; ki kpa unii aah ga ban tiwan ni mɔmɔk na. Uwumbɔr di ki tii nimi a.”

Bibɔjirb 18:10 ပူးပေါင်းရင်းမြစ်များ

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Esekiel 20:6

N‑yoonn ngbaan le m nan puu ke m ga nyan bi Ijipt aatiŋ ni ki di buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ŋan jer ntim mɔmɔk aan m nyan ke m di tii bi na pu.

Ikaal 2:29

aan ki ti puur Jɔɔdann Aamɔɔl, ki koo Tidindaan Uwumbɔr aah ban u di kitiŋ ki tii timi na ni. Esɔ aayaabitiib bi koo Edom aatiŋ ni na, ni Moab yaab bi koo Ar aatiŋ ni na, kii tii timi, le ti dii baapepel ni ki jer.’

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

Josua 2:23

Le bipepekr bilee ngbaan nyan ni ŋigongon ngbaan ni, ki puur limɔɔl, le ki buen Josua chee. Bi nan tuk u tiwan ni mɔmɔk ŋa na,

Josua 2:24

le ki bui ke, “Ni sil ye mbamɔn, Uwumbɔr le di kitiŋ ngbaan tii timi. Binib bimɔk bi nima na aapobil fii a.”

Josua 6:16

Nfum mulole aayoonn ngbaan aah fuu na, le bitotoorb bi pii ikpiin na aah ban bi kpaan nfum mubaa pu ki pii sakpen buyoonn na, le Josua lii waanib bumɔb ke bi faa ikaa, le ki bui ke, “Uwumbɔr le di kitiŋ kee tii nimi.

Bibɔjirb 18:11

Kina pu le Dann aanibol aajab ikui iloob nan nyan Sora ni Estaol ki gor bibaa ki cha butɔb.

Bibɔjirb 18:27

Dann aanibol aajab ngbaan nan yoor Maika aah nan naan tiwan ni na, ni waatotoor na, le ki buen ti tak Lais aatiŋ ki ye nsuudoon aatiŋ, aan kaanib ŋmin suuna ki mu bi Bef Rehob aafataŋ ni na. Bi nan ku kaanib, le ki see ki lii. Lais aatiŋ nan daa Saidonn aatiŋ, le kaanib ni bibaa aa nan kpa limaantɔl, kina pu na, ubaa aa nan bi ki gaa bi lii. Dann aanib aajab nan gir maa kitiŋ ngbaan le ki kal nima.

Bibɔjirb 18:7

Bijab biŋmu ngbaan nan nyan nima chee le ki buen Lais aatiŋ ni, ki nan kan binib ngbaan aah bi nsuudoon ni pu na. Bi nan bi nsuudoon ni ke Saidonn yaab na la. Bi nan ye nsuudoon aanib bi bi suuna na la, kaa kpa unii ubaa chee kijaak; bi nan kpa baah ban tiwan ni mɔmɔk na. Baah nan koo nin chee na nan daa Saidonn yaab sakpen, le bi ni binib biken aa kpa limaantɔl libaa.

Bibɔjirb 18:9

Bi nan gar bi ke, “Fii man, cha ti ti tak Lais aatiŋ aanib man. Ti kan baatiŋ; ki ŋan sakpen a. Taa ka fam man. Ŋa mala man. Fii ki ti gaa ki man.