Bibɔjirb 17:3 - Uwumbɔr aagbaŋ

³ Maika nan di ŋimombil ngbaan tii una, le una bui u ke, “Min mbaa aasui ni le m joo ŋimombil ngbaan tii Uwumbɔr aan tipuun ngbaan taa dan maabo pu. M ga cha bi di ŋi ŋa busub aawaal aanaŋ le ki di tikunabr ngbaan boon li. Kina le m ga di tikunabr aakur aamombil ngbaan ki giin tii si.”

Bibɔjirb 17:3 ပူးပေါင်းရင်းမြစ်များ

2 Bibɔrb Aabɔr 33:7

U nan naan liwaal libaa siin Uwumbɔr Aadichal li ponn ni Uwumbɔr nan bui David ni ujapɔɔn Solomonn ke: “Jerusalem ni, do chee na, Maadichal limina ponn ni, le ye nin chee m nyan Israel aanibol kipiik ni ŋilee aapepel mɔmɔk ni ke binib li dooni mi na.

Nnyam 20:23

Ni taa naan tikunabr, bee salmaa aawaa ke ni li dooni ŋi ki kpee m pu.

Nnyam 20:4

“Ni taa naan tiwan nibaa ki di naŋ paacham aawan nibaa, bee kitiŋ aawan nibaa, bee nnyun ni aawan nibaa, ke ni doon ni.

Nnyam 34:17

“Ni taa di tikur ŋa liwaal ki li dooni li.

Aisaya 30:22

Ni ga yoor naah di tikunabr naan nimi aawaa ŋi na, ni naah di salmaa naan ŋi na, ki di ti mee ke ŋi ye tijɔŋ la, ki tar ke, “Taa ki ban ti kan nimi.”

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Liifai Yaab 19:4

“Ni taa yii mi aan ki li dooni ŋiwaa, ni taa di tikur naan ŋiwaa ki doon ŋi. Min le ye Nidindaan Uwumbɔr.

Jɔnn 16:2

Bi ga nyan nimi mmeen aadir ni; n‑yoonn mbaa mu choo, unii yaa ku nimi kan, u ga li dak ke u tun Uwumbɔr aatuln le na.

Ikaal 12:3

Ni gbaa wiir baatork aabimbin, ni baawaa aatakpal yak yak, ki see baapiiwaal Asera aanaŋ, aan ki gaa yikr baawaa mɔmɔk, nima kan, baan ki ŋmaa dan ŋaah bi nin chee na ki nan doon ŋi.

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Bibɔjirb 17:13

Maika nan bui ke, “Tɔ, maah kan Liifai aanii aan u ŋa maatotoor na, m bee ke Uwumbɔr ga cha maatuln mɔmɔk toor.”

Bibɔjirb 17:2

U nan bui una ke, “Unii ubaa aah nan sun aa chee tikunabr aakur aamombil lichur libaa ni nkub na, aa nan puun lii udaan pu. M nan ŋun saah puun pu na. Lik, min le joo ŋi. Min le nan yoor ŋi.” Una nan bui u ke, “Maabo, Uwumbɔr ŋa waanyoor ŋa aa pu.”

Bibɔjirb 17:4

Maika nan di ŋi giin tii una. Una nan lee ŋi pu timombibir ikui ilee ki di tii uchaa, le u ŋa liwaal aanaŋ. U nan di busub le kpii li, le ki di tikunabr aamombibir boon li. Bi nan di li siin Maika aadichal ni la.

Bibɔjirb 18:30

Dann aanibol aanib ngbaan nan di liwaal ngbaan siin ki dooni li, le ki di Gesom aajapɔɔn Jonatann ŋa baatotoor. Jonatann aayaaja le nan ye Moses. U ni uyaabitiib nan ye bitotoorb kina le ki ti saa n‑yoonn mu bi nan di bi buen tinaagbiir ni na.

Bibɔjirb 18:5

Bi nan bui u ke, “Ŋaanii ki baa Uwumbɔr ke ti ga kan kinyaan timi aasachuln lee ni aan taan kan.”