Bibɔjirb 17:2 - Uwumbɔr aagbaŋ

² U nan bui una ke, “Unii ubaa aah nan sun aa chee tikunabr aakur aamombil lichur libaa ni nkub na, aa nan puun lii udaan pu. M nan ŋun saah puun pu na. Lik, min le joo ŋi. Min le nan yoor ŋi.” Una nan bui u ke, “Maabo, Uwumbɔr ŋa waanyoor ŋa aa pu.”

Bibɔjirb 17:2 ပူးပေါင်းရင်းမြစ်များ

Mpiin 14:19

le ki ŋa tinyoor ŋa u pu, ki bui ke, “Uwumbɔr u kaa kpa ŋeen aatɔ, ki naan paacham ni kitiŋ na, ŋa tinyoor ŋa Abram pu.

Nehemia 13:25

M nan galn bijab ngbaan, ki puun lii bi pu, ki gbaa bi, ki dar gui biyikpir; le ki cha bi puu Uwumbɔr aayimbil pu ke bi ni baabim ni biwɔwɔm aan ki mɔn tɔb.

Ilahn 10:3

Ubiindaan kpa kigaak waanimbɔŋ aageehn aatuln pu la, le ukumɔndaan seei Uwumbɔr ki yii u.

Nnyam 20:7

“Ni taa yin maayimbil fam fam, min Nidindaan Uwumbɔr ga daa unii u yin maayimbil fam fam na aatafal.

Ŋiyataŋak 28:24

Unii u su ute ni una aawan ki dak ke waa tun titunwanbir na ni unaayuk ye tiwan nibaa la.

Jeremia 48:10

Puun lii unii u kaa joo usui mɔmɔk tun Uwumbɔr aatuln na. Puun lii unii u kaa joo kijaak aajuk gaar ki ku na pu na.

Matiu 26:74

Le u ki puu Uwumbɔr, le ki bui ke, “Maa nyi uja ngbaan. M yaa mɔn nnyamɔn kan, Uwumbɔr daa ntafal.” Libuul ngbaan ni le ukooja wii.

Rom Yaab 9:3

M ga li ŋmaa ban ke m bee fam Kristo chee, bima taa bee.

1 Korenti 16:22

Unii yaa kaa gee Tidindaan kan, Uwumbɔr aabɔbir li bi u pu. Tidindaan, dan.

Ikaal 27:16

“‘Uwumbɔr aamɔpuur bi unii umɔk lik seen ute bee una na pu.’ “Le binib ngbaan mɔmɔk ga kpaan ki kii ke, ‘Amii.’

2 Jɔnn 1:11

Unii u doon u na kpaln ubakaatɔ le na.

Bibɔjirb 17:1

Uja ubaa nan bi, ki nan koo Efraim aatiŋ ki ye ŋigongon aatiŋ na ni, le bi yin u ke Maika.

Bibɔjirb 17:3

Maika nan di ŋimombil ngbaan tii una, le una bui u ke, “Min mbaa aasui ni le m joo ŋimombil ngbaan tii Uwumbɔr aan tipuun ngbaan taa dan maabo pu. M ga cha bi di ŋi ŋa busub aawaal aanaŋ le ki di tikunabr ngbaan boon li. Kina le m ga di tikunabr aakur aamombil ngbaan ki giin tii si.”

Bibɔjirb 5:23

Uwumbɔr aatuun bui ke, “Puun lii Meros aatiŋ pu, mbamɔn, puun lii binib bi koo nima chee na pu; ba pu? baa dan nan ter Uwumbɔr, baa dan ke butɔb aajab na ki nan ter u.”

Ruf Aagbaŋ 3:10

Le u bui u ke, “Uwumbɔr ŋa tinyoor ŋa aa pu. Saah bi ŋani pu dandana wee na mɔk saah kii tii timi aadichal pu na ki jer saah nan ŋa aachapii pu na. Aa ba ga ŋmaa buen nibaa wɔb ki ti ban unachipɔɔn, u ye uwankpadaan, bee ugiin na, ke aa mɔn, le saa ŋa kina.

1 Samuel 14:24

Nkon nan chuu Israel yaab, le biwon yɔl; ba pu? Sɔɔl nan puu ki siin nkaal ke, “Tibɔbir bi unii umɔk jin tijikaar tibaa din wee buyoonn maa kee lee maaŋuul maadim pu na.” Kina pu na, ubaa aa nan jin nibaa nwiin ngbaan daal.

1 Samuel 14:28

Le uja ubaa bui u ke, “Nkon le cha ti mɔmɔk aawon yɔl, le aate sak timi ki len ke, ‘Tibɔbir bi unii umɔk jin tijikaar tibaa din wee na.’”

1 Samuel 15:13

Samuel aah ti pii Sɔɔl na, le Sɔɔl nan doon u ki len ke, “Uwumbɔr ŋa tinyoor ŋa aa pu. M dii Uwumbɔr aah bui mi pu na.”

1 Samuel 23:21

Sɔɔl nan bui bi ke, “Uwumbɔr ŋa tinyoor ŋa ni pu, naah kpa tiŋann ti m pu na pu.

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.