Bibɔjirb 17:13 - Uwumbɔr aagbaŋ

¹³ Maika nan bui ke, “Tɔ, maah kan Liifai aanii aan u ŋa maatotoor na, m bee ke Uwumbɔr ga cha maatuln mɔmɔk toor.”

Bibɔjirb 17:13 ပူးပေါင်းရင်းမြစ်များ

Ŋiyataŋak 14:12

Saah dak ke nsan mu ye nsanyaan na le ga ŋmaa di si buen nkun ni.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Matiu 15:13

Le u bui bi, “Tisufar timɔk Nte Uwumbɔr aa bun ti na, u ga chuu ŋɔi ti la.

Matiu 15:9

Bi dooni u yɔli la, ki mɔk binib biyaajatiib aakaal ke ni ye waakaal la.’”

Jɔnn 16:2

Bi ga nyan nimi mmeen aadir ni; n‑yoonn mbaa mu choo, unii yaa ku nimi kan, u ga li dak ke u tun Uwumbɔr aatuln le na.

Lituln 26:9

“N‑yoonn mubaa, min mbaa nan dak ke ni ŋan ke m pɔɔk mbaa ki bii Yesu u ye Nasaref aatiŋ aanii na aayimbil.

Bibɔjirb 17:12

Maika nan di u ŋa waatotoor, le u koo Maika do.

Bibɔjirb 18:1

Israel aatiŋ aa nan kpa ubɔr n‑yoonn ngbaan. N‑yoonn ngbaan, Dann aanibol aa nan kee kan baatiŋ Israel yaab biken chee, le ki chuun ban kitiŋ ke bi kal.

Bibɔjirb 18:24

Maika nan gar bi ke, “Ni len kinye ke, ‘Ba ŋa?’ Ni yoor maatotoor ni maawaa ŋi m ŋa na ki di siir. M ki kpa ba?”