Bibɔjirb 16:28 - Uwumbɔr aagbaŋ

²⁸ Samsonn nan mee limeel ke, “Ndindaan Uwumbɔr, ŋaanii ki teer m bɔr; Uwumbɔr, ŋaanii ki ki tii mi mpɔɔn nfum mubaa, aan m di nfum mubaa teen Filistia yaab baah lokr nyan nnimbil ŋilee pu na pu.”

Bibɔjirb 16:28 ပူးပေါင်းရင်းမြစ်များ

2 Bibɔrb Aabɔr 20:12

Sin le ye timi Aawumbɔr. Taa kpa nterm mubaa butɔb aajapaak ki bi tak timi na chee, kina pu na, daa bitafal. Taa nyi taah ga ŋa pu na, ti tee lik sin pu, le ki ban nterm.”

Ilahn 10:12

Uwumbɔr, daa bibiindam ngbaan aatafal, teer binib bi ji falaa na bɔr.

Ilahn 116:4

le m yin Uwumbɔr, m nan bui ke, “Uwumbɔr, m gaŋ si, gaa mi lii.”

Ilahn 143:12

Saah gee mi pu na pu, ku maadim, ki kuln binib bi mɔmɔk muk mi na, ba pu? m ye saatutunn la.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Jeremia 15:15

Le m bui ke, “Uwumbɔr, aa nyi maah bi pu na. Teer mbɔr ki ter mi. Teen binib bi muk mi ki ban bi ku mi na. Taa li san bi kinimbaak ki cha bi kan nsan ki ku mi. Li nyi ke sin pu le bi seei mi.

Jona 2:7

Uwumbɔr, buyoonn m dak ke maamɔfal doo na, le m mee si, le aa bi Saadichal li bi chain na ponn ni ki ŋun maameel ngbaan.

2 Timoti 4:14

Uchaa u bi yin u ke Aleksanda na nan ŋa mi bakaa sakpen. Tidindaan ga teen u waah tun bakaa pu na.

Hiibru Yaab 11:32

Tɔ, m ga ki len ke ba? Maa kpa n‑yoonn ke m len Gideonn, ni Barak, ni Samsonn, ni Jefta, ni David, ni Samuel, ni Uwumbɔr aabɔnabtiib aabɔr.

Tibɔkpiirkaan 6:10

Le binib ngbaan aawiin teen mpɔɔn pu ke, “Tidindaan u ye chain ki ye mbamɔn na, ni ga yunn ki ti saa kinye pu aan aa ga ji dulnyaa aanib bi ku timi na aabɔr ki daa bitafal?”

Bibɔjirb 15:18

N‑yoonn ngbaan le nnyunyuu chuu Samsonn, le u yin Uwumbɔr ki bui ke, “Aa tii mi linyaŋ sakpeln; aa ga cha nnyunyuu le ku mi aan Filistia aanifam ngbaan nan chuu mi ii?”

Bibɔjirb 16:27

Bijab ni bipiib le nan gbii lidichal ngbaan. Filistia aabɔrb biŋmu na mu nan bi li ponn ni, le bijab ni bipiib bi nan bi lidichal ngbaan aapaacham na mu ga nan li pii ŋichur ŋitaa, le ki lik Samsonn aah gbiir ngbiir pu tii bi na.

Bibɔjirb 16:29

Samsonn nan chuu jaatɔlk tiib bilee bi si sisik ni ki joo lidichal ngbaan na. U nan di uŋaal mubaa nyii jaatɔlk ubaa pu, ki di muken nyii uken pu, le ki tur bi,

Bibɔjirb 5:31

Uwumbɔr, cha saadim mɔmɔk kpoi kina, ki tee cha aajɔtiib li moor lak lak ke nwiin mu laa bi puur ni na. Tɔ, nsuudoon nan bi kitiŋ ngbaan pu ki ti saa ŋibin imonko ilee.