Bibɔjirb 16:27 - Uwumbɔr aagbaŋ

²⁷ Bijab ni bipiib le nan gbii lidichal ngbaan. Filistia aabɔrb biŋmu na mu nan bi li ponn ni, le bijab ni bipiib bi nan bi lidichal ngbaan aapaacham na mu ga nan li pii ŋichur ŋitaa, le ki lik Samsonn aah gbiir ngbiir pu tii bi na.

Bibɔjirb 16:27 ပူးပေါင်းရင်းမြစ်များ

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

Ikaal 22:8

“Aa yaa maa lidichapɔln kan, maa ligoln mann lipaacham. Nima kan, unii yaa nyan lipaab ki lir, ki kpo kan, saan li kpa taani ubaa.

Josua 2:8

Waahr aan bipepekr ngbaan nin doon kinyeek ngbaan na, Rahab nan buen bi chee paacham nima,

Bibɔjirb 16:26

Samsonn nan bui ubo u dar u na ke, “Cha ŋŋaal meeh jaatɔlk tiib bi joo lidichal li na. M ban m sil din bi la.”

Bibɔjirb 16:28

Samsonn nan mee limeel ke, “Ndindaan Uwumbɔr, ŋaanii ki teer m bɔr; Uwumbɔr, ŋaanii ki ki tii mi mpɔɔn nfum mubaa, aan m di nfum mubaa teen Filistia yaab baah lokr nyan nnimbil ŋilee pu na pu.”

Bibɔjirb 9:51

Kidifɔfɔŋ kibaa nan bi nima ki pɔɔ, le uja ni upii umɔk nan bi kitiŋ ngbaan ni na, ni kaasalolm mɔmɔk san ti koo ki ponn ni. Bi laŋ bibaa pu ki ponn ni, le ki jon ti kal paacham.