Bibɔjirb 16:21 - Uwumbɔr aagbaŋ

²¹ Filistia yaab nan chuu u, le ki chuu lokr unimbil. Bi nan di u buen Gasa aatiŋ ni, le ki ti di tikumann aakululn baa u, le u nan n‑yon kiyondiik ni.

Bibɔjirb 16:21 ပူးပေါင်းရင်းမြစ်များ

2 Bibɔrb 25:7

Sedekia nan si lik, le bi ku ujapɔtiib unimbil ni, le Nebukadnesar cha bi chuu lokr Sedekia aanimbil, le ki di tikululn gbin u, ki di u buen Babiloŋ aatiŋ ni.

2 Bibɔrb Aabɔr 33:11

Kina pu na, Uwumbɔr nan cha Asiria aatɔb aajab aaninkpiib dan nan koo Juda aatiŋ ni. Bi nan chuu Manase, le ki di ijapiin saar lɔk lɔk u, ki di tikululn baa u, le ki di u buen Babiloŋ aatiŋ ni.

Ilahn 149:8

ki di tikur aakululn buu baabɔrb ni baayidam;

Nnyam 11:5

le njan aabijabim mɔmɔk ga kpoi, hali ubɔr aajan aabijabo u ga ji nnaan na, ki ti saa unaagbiipii u nan n‑yon na aajan aabijabo mu ga kpo. Le tiwakor aajan aabim mu ga kpoi.

Ŋiyataŋak 14:14

Titunwanbirdam ga kan tiwan ni ŋeer bi na. Bininyaam mu ga kan baatun aapar.

Ŋiyataŋak 2:19

Unii ubaa aa kee buen ti mann u ki ki gir ni. Udaan aa ki gir ni limɔfal aasan ni.

Ŋiyataŋak 5:22

Ubiindaan aatunwanbir ye gaawɔb la. Uma ubaa aatunwanbir le chur u.

Aisaya 47:2

Chuu labr kinaak ngbaan. Nan n‑yon. Chuu nyan saah di likekeln li bii aanimbil wɔb na. Chuu gbabr saakekenyaan ngbaan. Chuu kuun saawando mam ki puur ikpen.

Jeremia 39:7

Nee aapuwɔb, le u cha bi chuu lokr nyan Sedekia aanimbil, ki di tikululn gbin u ke bi di u buen Babiloŋ aatiŋ ni.

Inandalahn 5:13

Bi chur timi aanachipɔm mpɔɔn le bi nan idi ke binaagbiib na; mbijabim tui idɔ i nyuun na le kaa ki ŋmaa chuun.

Nkahm 16:14

Mbamɔn, saa di timi dan kitiŋ ki kpa nkpaatanyaan na ponn ni, ki mu aa tii timi tikpaasar ni ŋisubil aasui, le aa pɔɔni aabaa ke aa ŋmann timi. Taan dan.”

Matiu 24:41

Bipiib bilee ga li boo nan idi. M ga nan yoor ubaa ki di buen, ki cha uken.

Bibɔjirb 16:20

Delila nan teen mpɔɔn pu ke, “Samsonn, Filistia yaab choo.” U nan finn le ki dak usui ni ke, “M ga ti gaa mbaa lii ke maah ti ŋani pu na.” Waa nan nyi ke Uwumbɔr aa nan ki bi u chee.

Bibɔjirb 16:22

Tɔ, uyikpir nan piin ki ki bi muuni.