Bibɔjirb 16:20 - Uwumbɔr aagbaŋ

²⁰ Delila nan teen mpɔɔn pu ke, “Samsonn, Filistia yaab choo.” U nan finn le ki dak usui ni ke, “M ga ti gaa mbaa lii ke maah ti ŋani pu na.” Waa nan nyi ke Uwumbɔr aa nan ki bi u chee.

Bibɔjirb 16:20 ပူးပေါင်းရင်းမြစ်များ

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

Aisaya 42:24

Ŋma nan di Israel aanib tii binib bi gaa baawan mpɔɔn na? Uwumbɔr ubaa, u ti tun u titunwanbir na, le nan ŋa kina. Taa bi ke waah nan ban ke ti li bi pu na, kaa dii ikaal i u tii timi na.

Hosea 7:9

kaa nyi ke biniyayam aaterm ngbaan gaal baapɔɔn la. Baawiin aa ki daa, le baa kpaan nyi.

Nkahm 14:9

Taa yii Uwumbɔr man, ki mu taa san binib bi koo nima chee na ijawaan. Ti ga ŋmaa nyaŋ bi, naan li pɔɔ. Uwumbɔr bi ti chee, le ki nyaŋ baawaa ŋi kii bi na; nima pu na, taa san ijawaan man.”

Matiu 17:16

M joo ni u saadidiliib chee, le baa ŋmaa nyan libimbikl na u ni.”

Matiu 17:20

Le u bui bi, “Naa gaa Uwumbɔr ki kii mbamɔm. Nima le naa ŋmaa nyan li. M tuk nimi mbamɔn la, ni yaa gaa Uwumbɔr ki kii siib kina kan, ni ga bui lijool limina ke, ‘Fii nima chee,’ le li ga fii. Nibaa aan li pɔɔ ni chee. [

2 Korenti 3:5

Taa len ke ti ga ŋmaa ŋa nibaa tibaa aapɔɔn pu. Timi aapɔɔn nyan ni Uwumbɔr chee la.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

Josua 7:12

Nimina pu le Israel yaab aa ŋmaa sil baadim chee. Bi san baadim chee, ba pu? bi kpaln tiwan ni ga bii na la. Maan ki li bi ni chee, see ni bii tiwan ni m nan bui nimi ke ni taa yoor na.

Bibɔjirb 16:14

Delila nan pai u le u ti geen, le u chuu uyikpir ti pal ŋiker ŋilole pu na ki ŋa ti kina, le ki di nkpaa saŋ ti ni kin kin, le ki teen mpɔɔn pu ke, “Samsonn, Filistia yaab choo.” Tɔ, u nan finn le ki chuu daa nyan uyikpir kiŋmilol ngbaan ni.

Bibɔjirb 16:19

Delila nan pai Samsonn u ti geen utaa pu, le u yin uja ubaa, le u nan chuu gii nyan Samsonn aah pal uyikpir nfum mulole pu pu na. N‑yoonn ngbaan le Delila piin ki bi muk u, le waa nan ki kpa mpɔɔn.

Bibɔjirb 16:21

Filistia yaab nan chuu u, le ki chuu lokr unimbil. Bi nan di u buen Gasa aatiŋ ni, le ki ti di tikumann aakululn baa u, le u nan n‑yon kiyondiik ni.

Bibɔjirb 16:3

Samsonn nan doon le kitaak ti siir, le u fii ki chuu daa ŋɔb kitiŋ ngbaan aabisamɔb aajaaleŋ, ni idɔ, ni lilakl mɔmɔk. U nan di ni mɔmɔk buŋ ubɔgbiln pu, le ki di ti jon ligongoln li lik Hebronn aatiŋ na paab.

Bibɔjirb 16:9

U nan cha bijab bibaa si kidiik kiken ni ki kii. Samsonn aah doo na le u teen mpɔɔn pu ke, “Samsonn, Filistia yaab choo.” Le Samsonn nan daa keei itaŋmin ngbaan ke mmii aah meeh tikokonn kan, ti keei pu na la. Kina pu na, baa nan kee bee tiwan ni cha Samsonn kpa mpɔɔn kina na.

1 Samuel 16:14

Uwumbɔr Aafuur Nyaan nan nyan Sɔɔl ni, le Uwumbɔr di tiyayaar tun ni Sɔɔl pu, le ti joo u muk.

1 Samuel 18:10

Kitaak aah woln na, le tiyayaar ti nyan ni Uwumbɔr chee na fii Sɔɔl pu libuul ni, le u ŋma tijar udo ke uwaar na. David nan bi gbaa kibeek, ke waah ti ŋani pu iwiin mɔmɔk na, le Sɔɔl ka joo kikpaatuŋ uŋaal ni, le ki bui ubaa ke,

1 Samuel 18:12

Sɔɔl nan gur san David ijawaan la; ba pu? Uwumbɔr nan siir cha uma Sɔɔl ki bi David chee.