Bibɔjirb 16:2 - Uwumbɔr aagbaŋ

² Gasa aatiŋ aanib nan ŋun ke u bi nima chee, le ki gob nima chee ki kii u, kitiŋ ngbaan aabisamɔb chee kina, le kitaak ti woln. Baa nan ŋa kifuuk kinyeek, le ki dak bineen ni ke, “Ti ga cha ni woln la, le ti nin ku u.”

Bibɔjirb 16:2 ပူးပေါင်းရင်းမြစ်များ

Matiu 21:38

Bikpaab ngbaan aah kan waabo ngbaan na, le bi bui tɔb, ‘Uma le ye waafaajil. Cha ti ku u man aan ki ji waafaal.’

Matiu 27:1

Ki woln kitaak le Uwumbɔr aatotoorninkpiib ni Juu yaab aaninkpiib mɔmɔk kpokl baah ga ŋa pu ki ku Yesu na.

Tibɔnyaan ti Luk ŋmee ti na 21:20

“Ni yaa kan butɔb aajab si gob Jerusalem aatiŋ kan, ni li nyi man, naan yunn, le bi ga bii kitiŋ ngbaan doo.

Lituln 23:15

Ti ban ke ni ni bibɔjirb aaninkpiib tun unii ke u buen butɔb aajab aaninkpel chee, ki ti tuk u ke u li joo ni Pɔɔl ni chee, ke ni ban ni nan ki baa u tibɔr tiken kpee la. Bi yaa joo u choo kan, waan fuu ni do. Ti ga ku u nsan ponn ni.”

Lituln 9:24

Idaa mɔmɔk, kinyeek ni nwiin pu, le bi ka kii kitiŋ ngbaan aagoln aabisamɔb chee, ke Sɔɔl yaa nan nyan ni kan, bi chuu u ki ti ku u. Le Sɔɔl ŋun baah kpokl pu na.

Bibɔjirb 15:18

N‑yoonn ngbaan le nnyunyuu chuu Samsonn, le u yin Uwumbɔr ki bui ke, “Aa tii mi linyaŋ sakpeln; aa ga cha nnyunyuu le ku mi aan Filistia aanifam ngbaan nan chuu mi ii?”

Bibɔjirb 16:3

Samsonn nan doon le kitaak ti siir, le u fii ki chuu daa ŋɔb kitiŋ ngbaan aabisamɔb aajaaleŋ, ni idɔ, ni lilakl mɔmɔk. U nan di ni mɔmɔk buŋ ubɔgbiln pu, le ki di ti jon ligongoln li lik Hebronn aatiŋ na paab.

1 Samuel 19:11

Kinyeebaan ngbaan le Sɔɔl tun bijab bibaa, ke bi ti li kii David aadichal, aan ni yaa woln kan, bi ku u. Le David aapuu Mikal bui u ke, “Aa yaa kaa san kinyeek kee kan, bi ga fe ku si fen.”

1 Samuel 23:26

Sɔɔl ni waajab nan bi ligongoln ngbaan aapepel libaa, le David ni waajab mu bi lipepel liken. Bi nan ŋani mala, ke bi san cha Sɔɔl ni waajab bi nan ŋɔŋ bi pu ke bi chuu bi na.