Bibɔjirb 16:18 - Uwumbɔr aagbaŋ

¹⁸ Delila aah bee ke u sil tuk u mbamɔn na, le u tun ti bui Filistia aabɔrb na ke, “Ki gir ni nfum mubaa mue man. U tuk mi mbamɔn a.” Le bi nan gir ni ki joo ni ŋimombil ngbaan.

Bibɔjirb 16:18 ပူးပေါင်းရင်းမြစ်များ

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

Ilahn 62:9

Unibɔn naahn litakpiln libaa aabuln la; binikpaam ni biwaatiib mɔmɔk aa kpa tinyoor. Di bi tɔŋ likakl pu, le aa ga bee ke baa nyuun kpala, libuln nyuun jer bi.

Ŋiyataŋak 18:8

Libɔmbɔtukl mɔ sakpen, ti neen sakpen ke ti pel li.

Nkahm 22:7

Nima na, Moab yaab, ni Midiann yaab aayidam nan ban ŋimombil ŋi bi ga ti di pa tipuur ngbaan pu na, le ki buen Balaam chee ki ti bui u Balak aabɔr ngbaan.

Matiu 26:15

le ki ti baa bi, “M yaa di Yesu ŋa niŋaal ni kan, ni ga tii mi ba?” Le bi kahn tikur aamombil piitaa ki di tii u.

Efesusi 5:5

Ni po nyi ke unii umɔk ye udagoor na, ni unii umɔk ye tijɔŋdaan na, ni unii umɔk ye unimandaan na, aan koo ni Kristo ni Uwumbɔr aanaan ni. Unii yaa kpa iniman kan, liwangol ye liwaal la, le u dii.

1 Timoti 6:10

Binib yaa gee ŋimombil sakpen kan, nima le cha bi tun titunwanbir mɔk aabɔŋ. Binib bibaa aanimbil aah man ŋimombil pu pu na le cha bi yenn, kaa ki dii Yesu aasan, ki kan mpombiin ki ti chaar jer.

Bibɔjirb 16:17

Baah ma mi bundaal na, le bi di mi tii Uwumbɔr ke m li tun waatuln ki taa nyu ndaan mubaa. Bi yaa chee maayikpir pu kan, m ga diŋ ke unii mɔmɔk aah bi pu na la.”

Bibɔjirb 16:19

Delila nan pai Samsonn u ti geen utaa pu, le u yin uja ubaa, le u nan chuu gii nyan Samsonn aah pal uyikpir nfum mulole pu pu na. N‑yoonn ngbaan le Delila piin ki bi muk u, le waa nan ki kpa mpɔɔn.

Bibɔjirb 16:5

Filistia aabɔrb biŋmu na nan buen upii ngbaan chee le ki ti bui u ke, “Ŋmann Samsonn aan u bui si waah ŋa pu ki ti kpa mpɔɔn sakpen kina na, ni taah ga ŋa pu ki nyaŋ u, aan ki buu u iŋmin, aan u taa ki ŋmaa ŋa nibaa na. Ti mɔmɔk ubaabaa ga tii si tikunabr aakur aamombil lichur ni nkub nkub.”