Bibɔjirb 16:13 - Uwumbɔr aagbaŋ

¹³ Delila nan ki bui Samsonn ke, “Aa beenin joo mi ŋani yaansara la, kaa tuk mi mbamɔn. Tuk mi unii aah ga ŋa pu ki buu si iŋmin na.” U nan gar u ke, “Aa yaa chuu maayikpir ti pal ŋiker ŋilole na, ki ŋa ti ke baah luu likekeln pu na, ki di nkpaa saŋ ti ni kan, m ga diŋ ke unii mɔmɔk aah bi pu na la.”

Bibɔjirb 16:13 ပူးပေါင်းရင်းမြစ်များ

Bibɔjirb 14:17

Upuu nan wii li pu kina le tibɔndinn aawiin ilole ngbaan ti saa. Tɔ, winlole daal le u nan tuk upuu laatataa aah ye pu na, ba pu? u nan cha ulaasaab ti nyan ubaa ni. Le u mu ti di tuk Filistia yaab ngbaan.

Bibɔjirb 16:10

Delila nan ki bui Samsonn ke, “Lik, aa joo mi ŋani yaansara la, le kaa tuk mi mbamɔn. Ŋaanii ki bui mi unii aah ga ŋa pu ki buu si iŋmin na.”

Bibɔjirb 16:12

Kina pu na, Delila nan ban iŋmipɔɔn i baa kee di buu nibaa na, le ki di buu u. Waah buu u doo na, le u teen ke, “Samsonn, Filistia yaab choo.” Bijab ngbaan nan bi kidiik kiken ponn ni ki kii. Tɔ, u nan ki keei iŋmin ngbaan ke tikokonn na.

Bibɔjirb 16:14

Delila nan pai u le u ti geen, le u chuu uyikpir ti pal ŋiker ŋilole pu na ki ŋa ti kina, le ki di nkpaa saŋ ti ni kin kin, le ki teen mpɔɔn pu ke, “Samsonn, Filistia yaab choo.” Tɔ, u nan finn le ki chuu daa nyan uyikpir kiŋmilol ngbaan ni.