Bibɔjirb 16:10 - Uwumbɔr aagbaŋ

¹⁰ Delila nan ki bui Samsonn ke, “Lik, aa joo mi ŋani yaansara la, le kaa tuk mi mbamɔn. Ŋaanii ki bui mi unii aah ga ŋa pu ki buu si iŋmin na.”

Bibɔjirb 16:10 ပူးပေါင်းရင်းမြစ်များ

Nehemia 6:4

Bi nan tun ni m chee tibɔr tichachaan ngbaan pu ŋitaa ŋinaa la, le m mu giin bi ngarm chachaan ngbaan.

Ŋiyataŋak 24:28

Taa ŋa seeraadaan tii unii kaa nyi tibɔr ngbaan aabamɔn. Taa gii inyamɔn paan unii ubaa.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Tibɔnyaan ti Luk ŋmee ti na 22:48

Le Yesu baa u, “Judas, aa moor ntakpiln ke aa kooh min Unibɔn Aabo oo?”

Bibɔjirb 16:11

U nan gar u ke, “Bi yaa di iŋmipɔɔn i baa kee di i buu nibaa na buu mi kan, m ga diŋ ke unii mɔmɔk aah bi pu na la.”

Bibɔjirb 16:13

Delila nan ki bui Samsonn ke, “Aa beenin joo mi ŋani yaansara la, kaa tuk mi mbamɔn. Tuk mi unii aah ga ŋa pu ki buu si iŋmin na.” U nan gar u ke, “Aa yaa chuu maayikpir ti pal ŋiker ŋilole na, ki ŋa ti ke baah luu likekeln pu na, ki di nkpaa saŋ ti ni kan, m ga diŋ ke unii mɔmɔk aah bi pu na la.”

Bibɔjirb 16:7

Samsonn nan gar u ke, “Bi yaa di itaŋmin i laa soon na ilole buu mi kan, m ga diŋ ke unii mɔmɔk aah bi pu na la.”

Bibɔjirb 16:9

U nan cha bijab bibaa si kidiik kiken ni ki kii. Samsonn aah doo na le u teen mpɔɔn pu ke, “Samsonn, Filistia yaab choo.” Le Samsonn nan daa keei itaŋmin ngbaan ke mmii aah meeh tikokonn kan, ti keei pu na la. Kina pu na, baa nan kee bee tiwan ni cha Samsonn kpa mpɔɔn kina na.