Bibɔjirb 15:15 - Uwumbɔr aagbaŋ

¹⁵ U nan kan ubon u laa kpo na aamɔkpaween dɔ. U nan boon ki pii mu, ki di mu ku bijab lichur.

Bibɔjirb 15:15 ပူးပေါင်းရင်းမြစ်များ

2 Samuel 23:8

David aajakpaam na aayimbil sɔ: njan yoo le nan ye Joseb Basebef u nyan ni Takemonn aatiŋ ni na. Uma le nan ye “Bitaa na,” aayidaan. U nan di waakpaatuŋ ton butɔb, bijab ikui iniin ponn ni, ki ku bi mɔmɔk butɔbaan ni.

Liifai Yaab 26:7

M ga cha ni nyaŋ nimi aadim,

Liifai Yaab 26:8

le nimi biŋmu ga ŋmaa nyaŋ nimi aadim nkub, le nimi nkub ga ŋmaa nyaŋ nimi aadim ŋichur kipiik.

Hiibru Yaab 11:34

Bibaa mu aah nan gaa Uwumbɔr ki kii pu na, mmii sakpiin aa nan ŋmaa ŋa bi nibaa. Bibaa mu aah nan gaa Uwumbɔr ki kii pu na, le bi nan nyan kijuk aakun ni. Bibaa mu nan ye bidaburb, le baah gaa Uwumbɔr ki kii pu na, bi nan kan mpɔɔn. Bibaa mu aah nan gaa Uwumbɔr ki kii pu na, le bi kan mpɔɔn bi ti to butɔb ki nyaŋ baadim.

Josua 23:10

Ni ponn ni unibaan ga ŋmaa nyaŋ binib lichur; ba pu? Nidindaan Uwumbɔr le nyaŋni bi tii nimi, ke waah nan puu pu na.

Bibɔjirb 15:16

Nima pu le Samsonn nan gaa nlahn ke, “M di ubon aamɔkpaween ku bijab lichur; ubon aamɔkpaween le m di ku bi le ki kuun bi ŋikpuk ŋikpuk bil.”

Bibɔjirb 15:17

Waah ŋa kina doo na, le u di mmɔkpaween ngbaan mee. Tiwan nee aah nan ŋa nin chee na, bi yin nima chee ke Ramaf Lehi.

Bibɔjirb 3:31

Usaloln u nan nab Ehud aatuln pu na le nan ye Anaf aajapɔɔn Samgar. U mu nan gaa Israel yaab lii. U nan di lidabil li aamɔb chɔɔ na, le ki ku Filistia aajab ikui iloob.

Bibɔjirb 4:21

Sisera aah nan bak na, le u kpaan geen. Le Jael yoor ugagaar ni nkpaa, le ki loon buen u chee, le ki ti di nkpaa ngbaan kpaa chaar utapak ki ti chuu kitiŋ.

Bibɔjirb 7:16

U nan yakr waajab ikui itaa ngbaan nfum mutaa pu la, le ki tii uja mɔmɔk ukpiin, ni kibubik ki kpa mmii ki ponn ni na.

1 Samuel 14:14

Njan aanikul ngbaan ponn ni, Jonatann ni unachipɔɔn ngbaan nan ku bijab moninko la, kaa foor buen nibaa.

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”