Bibɔjirb 15:14 - Uwumbɔr aagbaŋ

¹⁴ Waah ti fuu Lehi aatiŋ ni na, le Filistia yaab san choo u chee ki tar u pu. Libuul ngbaan ni le Uwumbɔr Aafuur Nyaan gbiin u ki cha u pɔɔk nyib, le u daa keei iŋmin i buu uŋaal na ke yaah ye tikokonn ti wun mmii na le na.

Bibɔjirb 15:14 ပူးပေါင်းရင်းမြစ်များ

Job Aagbaŋ 20:5

ubiindaan ubaa aa nan kani mpopiin ki cha dik dik.

Ilahn 118:11

Bi nan mann goln mi ŋipepel mɔmɔk, le m di Uwumbɔr aapɔɔn doo bi mɔmɔk.

Ilahn 18:34

Uma le bae mi butɔb aabaem, le m ŋmaa joo butɔm bu pɔɔ sakpen na too.

Nnyam 14:3

Ubɔr ngbaan ga li dak ke Israel yaab yenn le ki chuun kitiŋ ngbaan ni, ki bi nteersakpiin ni, kaa ŋmaa nya.

Nnyam 14:5

Buyoonn ubɔr ngbaan ŋun ke binib na san ŋmar na, le u ni waaninkpiib kpeln bisui le ki kpokl ki bui ke, “Ti ŋa ba kina? Ti cha Israel yaab san ŋmar a, le taa ki kpa binaagbiib.”

Maika 7:8

Timi aadim aa kpa nsan ke bi li kpa mpopiin timi aafalaa pu. Ti lir la, le ki mu tee ga ki fii. Ti bi mbɔmbɔɔn ni le dandana, le Uwumbɔr ga tii timi nwiihn.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Filipi 4:3

Maatutuŋeer bamɔnn, m mee aa mu, ter bipiib ngbaan; ba pu? bi ni Klement ni maatutuŋeerb biken nan tun lituln linimaln m chee, ki ter mi m tuk binib Yesu aabɔnyaan tee. Baayimbil ŋmee limɔfal aagbaŋ ki bi paacham na ni.

Bibɔjirb 14:19

Libuul ngbaan ni, le Uwumbɔr Aafuur Nyaan gbiin u, ki cha u pɔɔk nyib, le u buen Askelonn aatiŋ ni, ki ti ku bijab piitaa, ki chuu peer baawanpeenkaan nyaan nan tii bijab piitaa bi tuk u liyataŋakl ngbaan aatataa na. Nee aapuwɔb le u gir kun, le baah ŋmann u pu na aaŋuul ban li ti ku u.

Bibɔjirb 14:6

Libuul ngbaan ni le Uwumbɔr Aafuur Nyaan gbiin Samsonn, le u pɔɔk nyib, le u di uŋaal chuu uchinn ngbaan ki daa par u, ke waah ye uŋobo le na. Tɔ, waa nan kpiir tuk ute ni una waah ŋa pu na,

Bibɔjirb 15:13

Bi nan bui ke, “Tɔ, ti ban ti buu si iŋmin baanja le ki di si ti tii bi. Taan ku si.” Nima le bi nan di iŋmipɔɔn ilee buu u, le ki di u nyan ni lijoomɔgbeln ngbaan pu.

Bibɔjirb 15:9

Filistia yaab nan dan ki nan ŋa baakakaa Juda aatiŋ ni, ki buen ti tak Lehi aatiŋ.

Bibɔjirb 16:12

Kina pu na, Delila nan ban iŋmipɔɔn i baa kee di buu nibaa na, le ki di buu u. Waah buu u doo na, le u teen ke, “Samsonn, Filistia yaab choo.” Bijab ngbaan nan bi kidiik kiken ponn ni ki kii. Tɔ, u nan ki keei iŋmin ngbaan ke tikokonn na.

Bibɔjirb 16:24

Bi nan bi ji baageehn, le ki bui ke, “Yin ni Samsonn man, cha ti cha u gbiir ngbiir tii timi man.” Baah nan nyan ni Samsonn kiyondiik ni na, bi nan cha u gbiir ngbiir tii bi, le ki cha u sil jaatɔlk tiib aasisik ni. Binib ngbaan aah kan u na, le bi gaa ilahn ki pak baawaal ke: “Timi aawaal cha ti nyaŋ timi aadin u kuln timi aatiŋ ki ku timi aanib sakpen na.”

Bibɔjirb 16:9

U nan cha bijab bibaa si kidiik kiken ni ki kii. Samsonn aah doo na le u teen mpɔɔn pu ke, “Samsonn, Filistia yaab choo.” Le Samsonn nan daa keei itaŋmin ngbaan ke mmii aah meeh tikokonn kan, ti keei pu na la. Kina pu na, baa nan kee bee tiwan ni cha Samsonn kpa mpɔɔn kina na.

Bibɔjirb 3:10

Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

Bibɔjirb 5:30

“Bi ban tiwan le ke bi gaa aan ki yakr, ki ban usapɔɔn ubaa, bee bilee, bi tii butɔb aaja mɔmɔk, ki ban tiwanpeenkaan ni kpa kidaak na, bi tii Sisera, le ki ban nleen aanyɔla nyɔla, bi nan tii ubɔrpii.”

1 Samuel 10:10

Sɔɔl ni waatutunn aah nan ti fuu Gibea na, Uwumbɔr aabɔnabtiib bibaa nan tooh u nsan ni. Libuul ngbaan ni le Uwumbɔr Aafuur Nyaan nan gbiin u, le u buen ti kpaan bi chee ki bi pak Uwumbɔr, Waafuur Nyaan aapɔɔn pu.

1 Samuel 10:6

Libuul ngbaan ni le Uwumbɔr Aafuur Nyaan ga gbiin si, le aa ga kpaan bi chee, baah bi pak Uwumbɔr, Waafuur Nyaan aapɔɔn pu pu na, le ki ga kpaln uniyayan.

1 Samuel 11:6

Sɔɔl aah ŋun kina na, le Uwumbɔr Aafuur Nyaan gbiin u, le u pɔɔk nyib, le usui fii,

1 Samuel 17:35

m san dii u la, le ki ti tak u, ki gaa upihbo ngbaan, le uchinn, bee takɔ ngbaan yaa fenn ban mi kan, m chuu uneen ni le ki gbaa ti ku u.

1 Samuel 4:5

Uwumbɔr Aakaal Aadakaa ngbaan aah fuu ni na, le Israel yaab faa kifuuk le kitiŋ ti dam.