Bibɔjirb 14:6 - Uwumbɔr aagbaŋ

⁶ Libuul ngbaan ni le Uwumbɔr Aafuur Nyaan gbiin Samsonn, le u pɔɔk nyib, le u di uŋaal chuu uchinn ngbaan ki daa par u, ke waah ye uŋobo le na. Tɔ, waa nan kpiir tuk ute ni una waah ŋa pu na,

Bibɔjirb 14:6 ပူးပေါင်းရင်းမြစ်များ

Ilahn 91:13

Aa ga taa taa ichinn ni ikuub pu, aa ga taa taa ichinn ni ikuub i bir na pu.

Aisaya 42:2

Waan li tar, kaan li kaani, kaan li kpa kifuuk ntim ni.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Matiu 11:29

Gaa maatuln man, ki bae mbaem m chee; m bi suuna, ki sunn mbaa taab. Ni ga kan lifuur;

Hiibru Yaab 11:33

Baah nan gaa Uwumbɔr ki kii pu na, le bibaa nan nyaŋ ŋitimbol aajab, bibaa mu tun lituln li ŋan na, bibaa mu kan Uwumbɔr aah puu tipuur ti na, bibaa mu muib ichinn aamɔi, i taa ŋa bi nibaa.

1 Jɔnn 3:8

Unii umɔk tun titunwanbir n‑yoonn mɔmɔk na, u ye kinimbɔŋ aanii la. Ba pu? kinimbɔŋ aah nan piin buyoonn na, ki po tun titunwanbir la. Uwumbɔr Aajapɔɔn aah nan dan dulnyaa wee ni na, u nan dan ke u nan ŋa kinimbɔŋ aatuln yɔli la.

Bibɔjirb 11:29

N‑yoonn ngbaan le Uwumbɔr Aafuur Nyaan gbiin Jefta. U nan bɔ dii Gilead ni Manase aatim ni, ki gir ni Mispa aatiŋ ki bi Gilead ni na, le ki di buen Amonn aatiŋ ni.

Bibɔjirb 13:25

Le waah nan bi Dann aajab aakakaa ni, Sora ni Estaol aatim aakaasisik ni na, Uwumbɔr Aafuur Nyaan piin ki tii u mpɔɔn.

Bibɔjirb 14:19

Libuul ngbaan ni, le Uwumbɔr Aafuur Nyaan gbiin u, ki cha u pɔɔk nyib, le u buen Askelonn aatiŋ ni, ki ti ku bijab piitaa, ki chuu peer baawanpeenkaan nyaan nan tii bijab piitaa bi tuk u liyataŋakl ngbaan aatataa na. Nee aapuwɔb le u gir kun, le baah ŋmann u pu na aaŋuul ban li ti ku u.

Bibɔjirb 14:5

Kina pu na, Samsonn nan di ute ni una buen Timna aatiŋ ni. Baah nan bi ŋisubil aasar ponn ni ki cha na, u nan ŋun uchinn ubaa bi ŋuuni.

Bibɔjirb 14:7

le ki buen ti gbaa usapɔɔn ngbaan chee tibɔr, ki gee u.

Bibɔjirb 15:15

U nan kan ubon u laa kpo na aamɔkpaween dɔ. U nan boon ki pii mu, ki di mu ku bijab lichur.

Bibɔjirb 15:8

U nan di liŋuusakpeln le tak bi ki ku bi pam. Waah ŋa kina na, le u buen ti bi Etam aajoomɔgbeln aatakpaluŋ kibaa ni.

Bibɔjirb 16:30

ki teen mpɔɔn pu ke, “Cha m ni Filistia yaab kpaan kpo.” U nan di waapɔɔn mɔmɔk tur, le lidichal ngbaan lir ni bibɔrb biŋmu ngbaan ni binib bi mɔmɔk gur na pu. Samsonn nan ku binib waakun daal ki jer waah nan laa fu pu na.

Bibɔjirb 3:10

Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

1 Samuel 10:16

Le Sɔɔl ki bui u ke, “U ti bui timi ke bi kan i a,” le kaa bui utewaa Samuel aah bui u ke u ga ŋa ubɔr pu na ma.

1 Samuel 10:6

Libuul ngbaan ni le Uwumbɔr Aafuur Nyaan ga gbiin si, le aa ga kpaan bi chee, baah bi pak Uwumbɔr, Waafuur Nyaan aapɔɔn pu pu na, le ki ga kpaln uniyayan.

1 Samuel 11:6

Sɔɔl aah ŋun kina na, le Uwumbɔr Aafuur Nyaan gbiin u, le u pɔɔk nyib, le usui fii,

1 Samuel 14:1

Nwiin mubaa daal, le Jonatann bui unachipɔɔn u joo waajawan na ke, “Cha ti puur buen Filistia yaab ngbaan aakakaa chee.” Jonatann aa nan bui ute Sɔɔl ke u ga buen nibaa chee.

1 Samuel 17:46

Din aataak kee le Uwumbɔr ga di si ŋa maapɔɔn ni. M ga nyaŋ si ki gii aayil, ki di Filistia aajab aawon tii inyoon ni ipeel, le dulnyaa wee mɔmɔk bee ke Israel yaab sil kpa Uwumbɔr,