Bibɔjirb 14:3 - Uwumbɔr aagbaŋ

³ Ute ni una nan baa u ke, “Ba ŋa aa ban aa ti ban upii, nifam bimina ni? Saan ŋmaa kan usapɔɔn timi aataŋaal ponn ni, timi aanib mɔmɔk ni ii?” Le Samsonn nan bui ute ke, “Uma ngbaan le m ban ke aa chɔi tii mi. M gee uma la.”

Bibɔjirb 14:3 ပူးပေါင်းရင်းမြစ်များ

Mpiin 13:8

Abram nan bui Lot ke, “Ti ye mmaal mbaa aanib la, naa ŋan ke timi aanib ngbaan li jaa.

Mpiin 21:27

Le Abraham nan tii Abimelek ipiih, ni inaa, le bima bilee ngbaan ŋa kimɔbaan.

Mpiin 34:14

ki nan bui bi ke, “Taan cha tininkpan mɔn uja u kaa gii uchakpaln na, ni ga li ye inimɔɔn le ti chee.

2 Samuel 1:20

Taa mooni ti Gaf aatiŋ ni. Taa tuk Askelonn aatiŋ aanib. Taa cha Filistia aapiib aasui piir; taa cha binib bi kaa dii Uwumbɔr na aabisatiib kan mpopiin.

Josua 23:12

Ni yaa kaa si chob aan ki di nibaa kpaan ŋinibol ŋi gur na chee ki yoor bibisatiib kan,

Bibɔjirb 14:2

U nan gir kun le ki ti bui ute ni una ke, “Filistia aasapɔɔn ubaa bi Timna aatiŋ ni ki koo nsui ni sakpen. Ban u tii mi man; m gee ke m di u ŋa mpuu.”

Bibɔjirb 15:18

N‑yoonn ngbaan le nnyunyuu chuu Samsonn, le u yin Uwumbɔr ki bui ke, “Aa tii mi linyaŋ sakpeln; aa ga cha nnyunyuu le ku mi aan Filistia aanifam ngbaan nan chuu mi ii?”

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.

1 Samuel 31:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.