Bibɔjirb 13:5 - Uwumbɔr aagbaŋ

⁵ le aa yaa nan ma aajapɔɔn ngbaan kan, aa li nyi ki taa di kijuk meeh uyikpir, ba pu? ki nya nwiin mundaal aa ma u na, u ga li ye Uwumbɔr yoo le ki tun waatuln. Uma le ga piin ki nyan Israel aanib Filistia yaab aaŋaal ni.”

Bibɔjirb 13:5 ပူးပေါင်းရင်းမြစ်များ

2 Samuel 8:1

Naah yunn siib na, le David ki buen ti tak Filistia yaab, ki nyaŋ bi, le ki gaa baatisakpeŋ bi chee.

1 Bibɔrb Aabɔr 18:1

Naah ŋa iwiin ilee na, le David ki buen ti tak Filistia yaab, ki nyaŋ bi. U nan gaa Gaf aatiŋ, ni ntimbim mu bi ki mann goln ki na bi chee.

Amos 2:11

Min le nan lee nijapɔtiib bibaa bi li ye maabɔnabtiib, le ki lee biken mu bi li ye maatutum bi puu ke baan nyu ndaan kpala na. Israel yaab, m gii la aa? Min Uwumbɔr le len kina.

Nkahm 6:5

Buyoonn u ti puu kina aapuur na, u taa kuu uyikpir. Waah puu tipuur ki di ubaa tii Uwumbɔr na, u cha uyikpir ni ulangbaln aakor li bi, u taa kuu ti.

Tibɔnyaan ti Luk ŋmee ti na 1:15

U ga li ye uninyuun Uwumbɔr chee. Waan nyu ŋisubil aadaan, ki mu aan nyu ndaan mubaa. U ga li gbii Uwumbɔr Aafuur Nyaan buyoonn bi ga maa u na, ki li joo cha.

Bibɔjirb 16:17

Baah ma mi bundaal na, le bi di mi tii Uwumbɔr ke m li tun waatuln ki taa nyu ndaan mubaa. Bi yaa chee maayikpir pu kan, m ga diŋ ke unii mɔmɔk aah bi pu na la.”

1 Samuel 1:11

Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”

1 Samuel 7:13

Kina le Uwumbɔr nan nyaŋ Filistia yaab, le kaa ki cha bi koo ni Israel yaab aatiŋ ponn ni n‑yoonn mumɔk Samuel nan bi limɔfal ponn ni na.