Bibɔjirb 13:25 - Uwumbɔr aagbaŋ

²⁵ Le waah nan bi Dann aajab aakakaa ni, Sora ni Estaol aatim aakaasisik ni na, Uwumbɔr Aafuur Nyaan piin ki tii u mpɔɔn.

Bibɔjirb 13:25 ပူးပေါင်းရင်းမြစ်များ

Matiu 4:1

N‑yoonn ngbaan le Uwumbɔr Aafuur Nyaan cha Yesu buen nteersakpiin ni ke kinimbɔŋ ti tɔŋ u.

Jɔnn 3:34

Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Josua 15:33

Ntim mu nan bi ŋigongon aataab na le nan ye Estaol, ni Sora, ni Asna,

Josua 19:41

Ntim mu nan bi baatiŋ ponn ni na le nan ye Sora, ni Estaol, ni Ir Semes,

Bibɔjirb 11:29

N‑yoonn ngbaan le Uwumbɔr Aafuur Nyaan gbiin Jefta. U nan bɔ dii Gilead ni Manase aatim ni, ki gir ni Mispa aatiŋ ki bi Gilead ni na, le ki di buen Amonn aatiŋ ni.

Bibɔjirb 14:1

Daalbaadaal le Samsonn nan di buen Timna aatiŋ ni, le ki ti kan Filistia aasapɔɔn ubaa nima chee.

Bibɔjirb 14:19

Libuul ngbaan ni, le Uwumbɔr Aafuur Nyaan gbiin u, ki cha u pɔɔk nyib, le u buen Askelonn aatiŋ ni, ki ti ku bijab piitaa, ki chuu peer baawanpeenkaan nyaan nan tii bijab piitaa bi tuk u liyataŋakl ngbaan aatataa na. Nee aapuwɔb le u gir kun, le baah ŋmann u pu na aaŋuul ban li ti ku u.

Bibɔjirb 16:31

Ute aabim, ni udo yaab mɔmɔk nan dan ke bi nan yoor u. Bi nan yoor u giin kun ki ti sub u ute Manoa aakaakul ni, Sora ni Estaol aatim aasisik ni. U nan ye Israel yaab aasaloln ki ti saa ŋibin moninko la.

Bibɔjirb 18:2

Kina pu le Dann aanibol aanib nan nyan bijakaab biŋmu ŋidichal ŋi mɔmɔk bi linibol ngbaan ni na, le ki tun bi nyan Sora ni Estaol aatim ni, ke bi chuun ki lik kitiŋ ngbaan. Baah nan fuu ni Efraim aagongon aatiŋ pu na, bi nan koo Maika aadichal ni la.

Bibɔjirb 3:10

Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

Bibɔjirb 6:34

Uwumbɔr Aafuur Nyaan nan gbiin Gideonn, le u pii ukpiin, ke Abieser aataŋaal pu aajab nyan dii u.

1 Samuel 11:6

Sɔɔl aah ŋun kina na, le Uwumbɔr Aafuur Nyaan gbiin u, le u pɔɔk nyib, le usui fii,